話說小妹尋日同左男朋友一齊係屋企附近嘅市集行街 經過一間耳環店覺得佢嘅耳環幾靚想買 但係個耳針位想轉一轉其他款就叫佢幫我改其他閃石上去 問佢可唔可以改佢好爽快就話OK 話聽日就可以拎到 咁我就俾咗全部錢同佢講話聽日拎 佢乜都冇交低或者比收據我 然後我就走咗
到左今日 雖然今日星期日 但係小妹都係要返工 所以就叫咗男朋友去幫我拎
點知。。
男朋友去到嘅時候,佢竟然聽到佢同其他檔嘅店主喺度講我地:
琴日嗰個人幾時嚟㗎,一陣間佢唔黎 我唔通等到佢10點咩,又要人改耳環又麻煩 ig又唔揾我。。blah blah blah
重點係佢一路講都唔識收聲 但係我男朋友就企左喺佢面前勁耐佢都sense唔到 唔係話佢認唔認得我男朋友啦 只係有客喺佢面前佢都唔識收聲 係咪做生意嘅呢?之後係隔離既檔主見到我男朋友企係到 問佢有咩需要 佢先記得要收聲
Hi我想同你講,我係琴日個條仆街啊我就係驚你覺得我會訂咗唔要 所以我琴日先特登俾晒錢 出黎做生意大家都係講個信字 既然我都俾咗錢啦 你講咁多嘢有乜謂 就算我真係走你數 你都冇蝕架喎 我嚟拎耳環嘅時候都只係七點 而你距離你所講關門嘅時間係九點都仲有好耐喎小姐?
其實你咁冇心賣嘅話你不如唔好買啦 我見你琴日答得咁爽快話可以改耳環 我先話改 如果你唔ok 其實我都無所謂的
琴日我交低錢嗰陣時你淨係講話你聽日會喺度你之後乜都冇交低 又無叫我用啲乜野方法聯絡你 如果想搵回頭客一定唔會係咁做生意囉 我都講咗話聽日會嚟搵你就係聽日 我都唔鐘意放人飛機 你關門嘅時間都未過 你就已經判定我會唔黎係咪搞笑?
男朋友同我講返呢個經歷之後我先上佢個IG睇 發現原來好似係藍店 店主ig 2019年都係飲飲食食 耳環店更加冇任何文宣 呢間店永不錄用當買左個教訓
店主: