因個女衣家冇學返
我本身唔打機咩都唔識
落到去問咗幾間
有間最平 主機連呢個game嘅套裝可以2880買比我 （主機 + 一部ring fit game）
咁我就去撳錢
佢同我講話一定要買SD卡先至可以啟動到主機
而且仲要買佢店內嘅switch SD卡
佢張SD卡成$900
成三分一部機價錢
我應承我老婆$3000要買到
但係又唔想個囡失望 俾錢嘅時候先同我講話要卡仲要一定要用佢店嘅專用卡
我問清楚佢 如果我唔買sd卡可否玩到呢個遊戲
佢同我講話唔得更新完之後就會冇曬位 一定要我買
佢個價錢牌仲要畀個幾盒遮住
之前問佢佢又唔講有呢樣嘢
無奈我只好比最後$3700埋單
我覺得好貴 主機 + 一部ring fit game + 128GB SD卡 ＝$3700
佢會叫你喺張單嗰度簽名吸印
當時我冇為意一心諗住快快攞遊戲機返屋企畀個女玩
但係原來吸印簽名嘅內容就話啲貨物唔可以退
好古惑 正常畀單客人點會要客人喺張單上面簽名 又唔係寄貨簽收
之後點知我行返出第二間寫住同一張卡$200
第二間店個老闆仲同我講內置有32GB
根本唔使買卡只要買遊戲就可以玩
我覺得佢呃我
我返去同佢講退佢又話唔得 (我離開他店根本不到五分鐘)
我話淨係唔要張SD卡佢又話唔得
我都係想有個女健健康康起屋企都可以做下運動
依家日日都封嚟封去 搞到我哋街都唔敢出
我老婆話佢上網睇價錢都知道我俾人阨錢搞到我勁唔開心
我返去同佢講 佢又話我阻住佢收工 又打電話 又兇我 又叫其他人同我傾計 (店長其實係一位紋身女士）
我都係買個遊戲機啫 我系普通市民斯文人
一家大細得兩萬蚊人工都攞幾千蚊出嚟過年買遊戲機畀個女玩
為咗賺錢使唔使咁嘅態度 點解要呃我
轉頭我見佢喺紅店嗰度買返張sd卡
最後佢都唔肯退 仲講到明話我買貴咗
我最後留低一句 "賺錢可以，但係你唔老實，呢個購買經驗好差，希望你唔好再呃人"
我真係好嬲呀 頂唔順呀 我今次出名
地點係 黃金商場51號綠色嗰間 大家唔好去
各位巴打絲打自己執生啦
