TLDR，簡單而言，呢隻野既伏：
1.操作困難，尤其轉彎遲鈍，調查物品方法刁轉麻煩
2.(最仆街呢樣)QTE經常老屈撳錯
3.部份minigame重覆太多
4.宣傳強調既莎花，雷聲大雨點小，game內戲份少到離譜，有貨不對辦之嫌
5.有時太耐冇得save
6.(應該好多人第一樣唸到)拖18年至出3，然後仲未完，又一有生之年系列！
1999年尾，莎木1剛剛出嗰陣，有朋友icq左張莎木wallpaper畀我，我覺得吸引，一來係我本身鐘意劇情冒險類ADV，二來係莎花，點知DC獨佔，我冇DC亦唔想買，就擱置左。早幾年仲試過搵DC模擬器想試玩，但搵唔到。估唔到之後1,2會重製上PC仲有中文，本來值得開心，但更估唔到，原來吹得咁勁既神作係咁撚鳩。
我明以當年黎講，莎木玩法係好創新，劇情就.....點解為報殺父之仇，仲有心情周圍扭蛋；唔識中文既18歲日本高校生，去香港去桂林會冇全無語言障礙，個個識同佢講日文，呢D都算啦。D細節真係垃圾到冇朋友：
首先個主角行路已經鳩，未試過一隻第三身3Dgame係咁撚鈍咁難控制，尤其轉彎。調查物品又係，個方法刁轉麻煩到仆街，開頭真係好唔慣。
重點既QTE，簡直係宇宙級垃圾，一係有嚴重bug一係專登玩鳩人，經常老屈撳錯。我玩其他game 既QTE都大致順利，玩QTE始祖：超任娛樂金魚眼學藝會，
https://www.youtube.com/watch?v=p3LrKY1ff1g&ab_channel=SiuKLife
直頭係百發百中，就係得莎木QTE，玩到幾乎手掣同mon都掟爛。
部份minigame重覆太多，1代既剷車賽車同搬貨，使唔使強制玩5次咁多？2代搬書曬太陽又係，當中又係玩QTE，老屈撳錯又少不了。
佢唔少宣傳、poster之類都係強調莎花，有時仲大頭過主角涼，比人感覺呢個靚女係主角，甚至係玩家操作既角色。但game內莎花戲份卻少得離譜，1代全game都冇正式出場，只係主角夢境出現一陣，係乜人都唔知。到2代臨尾，至出得嗰少少，係咪雷聲大雨點小、貨不對辦？真係唔知當年為佢而入手呢隻game既巴打，情何以堪。跟著隔成18年(莎木2 2001年，莎木3 2019年)至出3代至再見到佢，跟著仲要走樣、換柒衫....
有時太長氣、太耐冇得save，過左難關仲唔畀即save，仲要煲一大堆劇情。
例如1代臨尾個電單車minigame，趕唔切就要由頭揸過，但唔係由開電單車開始，係出多次涼問朋友借電單車既劇情(仲要冇得skip)，係咪多餘？
電單車minigame難難地，時間緊緊夠，過完之後仲唔畀save，緊接著開拖、車條女遊車河劇情一大堆，唔好彩hang機、crash、停電是旦一樣就仆得街。
到2代臨尾仲離譜。打鬥牛(實際係final boss)，辛辛苦苦打到佢冇晒血，一大堆QTE錯一不可(當然又係勁多老屈撳錯)，一錯就由頭打過、再由頭QTE過。要一take過完成打贏鬥牛(真心頂唔順，好彩PC版有風靈月影大大個快速擊倒幫手)、QTE全中(冇被老屈撳錯)，居然仲未畀save，緊接一大堆告別九龍、去桂林劇情(我知可以skip，但玩得呢類劇情game梗係想睇埋，尤其而家有中文)，然後，crash彈出windows，又要再由打鬥牛重新開始......
到桂林，終於見到期待已久既莎花，屌佢老味又黎料，長氣到痴撚線既行山談心、3段QTE障礙賽(當然又係.....)、執柴(又係好鈍，睇著一大堆柴喺面前，就係死卒爛卒佢至識執)、更長氣既山洞談心，講講下涼行開，以為終於講完，點知佢老味出去耍功夫，然後仲繼續講，仲要唱歌，仲未畀save！「好彩」有得skip，我呢D劇情控都頂唔順要skip。
到打爆，原來仲未完，等足18年至出3，睇下資料，打爆3都未大結局，真係味撚再攪。
不如唸下，莎木定HUNTER X HUNTER大結局先，定摺被軍武統台灣先，定流浮山200刀手去到元朗大馬路先。又一有生之年系列！
