[好痛]剝左智慧齒幾耐之後可以攪前面隻蛀牙？

我隻智慧齒打橫生
攪到前面隻大牙蛀左
好鬼痛
昨日（3號）就剝左隻智慧齒
之後約到26號先再攪前面隻蛀牙
(個牙醫好好生意，中間又新年假期）
個牙醫話要等智慧齒個傷口埋好，先補到牙
有機會仲要杜牙根...

有冇巴絲都係咁嘅case?
最快可以隔幾耐補牙？
等個傷口好應該唔駛廿幾日？

因為我原來蛀牙的痛其實係冇攪過
仲多左剝智慧齒的傷口痛...
宜家塊面腫哂...
蛀牙痛加剝牙傷口痛...
食野 講野 飲水 都痛

奉勸大家，唔好有痛先剝隻智慧齒
蛀牙嘅痛要剝左牙先攪到...

跪求有經驗的巴絲分享下

(食左止痛藥都仲係痛
駛唔駛去藥房買d 勁d 嘅止痛藥食？）

杜牙根又係好痛？

杜牙根駛唔駛照X光/CT?
因為我昨天已經照左
想搵第二間牙醫快d 攪左隻蛀牙佢呀！！！
但又要再照過？ 驚短期照咁多輻射唔好

我同你掉返轉，杜左牙根先

原來可以咁
我個牙醫話要剝左隻智慧齒先睇到前面隻大牙蛀成點

有x 光邊駛

如果杜左牙根先，我就唔駛宜家咁雙重痛
可以攪左隻蛀牙先
再剝隻智慧齒...

唉
佢睇左我d 牙就話要剝左先...

即係杜牙根都要照X 光先？
我想睇另一個牙醫呀
咁又要再照多次？
唔想短期內吸咁多輻射

我2018年果陣做過，同你一樣
智慧牙啱啱好掂住前邊臼齒
但又無頂爛，所以諗住自己用牙縫刷刷條Lar 算
結果果個位打橫蛀入去隻臼齒度...........

我果陣都係剝完智慧牙後大約半至1個月先真正搞隻蛀牙(杜牙根+整牙套)
但我印像中，剝完智慧牙後佢有係咁咦幫我填住蛀咗既位，俾我頂住先
因為你無咗智慧牙,你個蛀牙位個洞接觸水同食物既機率會大咗> 更痛
你果個醫生點解會無整

你第一間有無俾x光片你?
有就帶埋去睇
不過我估通常第二個唔會接你呢個case，因為人地做到一半
不如你返去本來果間，問下話好痛痛到暈低咁濟問佢有無方法頂住先

至於杜牙根痛唔痛呢............
我同#2 果位巴打一樣
我睇果個醫生可能太有醫德，唔敢打太多麻醉，
佢打咗2針我都痛到仆街
係痛到想一拳打柒個牙醫再踢開佢，奪門而出果隻
所以你做杜牙根之前試下同牙醫講你好撚怕痛，叫佢盡打
杜牙根過程我就唔講啦，你都唔好google，如果唔係你會更驚

可能你貼得好埋好迫睇唔到前邊點蛀
我果陣係隻智慧牙少少斜咁頂住前邊
形成一個小三角位
所以我未剝智慧牙前已經幫我係咁咦補咗頂住先
之後剝智慧牙(我一口氣剝晒4隻)> 一個月後杜牙根> 半個月後整牙套>半個月後裝牙套

我又係之前都知道智慧齒打橫生，但唔痛冇咩野
但個時個醫生話注意清潔就ok
佢話剝都有風險
有機會冇味覺，面癱
當時見冇咩野就唔剝啦
點知宜家攪成咁...

係囉，個醫生勁忙，係打麻醉同剝牙見到佢，其他時間都係護士同我講...

黎緊仲要新年，咩都食唔到...

冇俾X 光我呀
所以冇得拎去問另一個醫生
過幾日如果仲咁痛
我walk in 叫佢睇下我先...
廿幾日真係難頂
我估前面隻牙都蛀得好勁...

補牙其實都可以唔痛嘅你同佢講話要打麻醉藥咪得囉杜牙根就一定會幫你落麻醉藥㗎啦因為係好痛好痛㗎，如果冇麻醉藥
佢話要等你傷口好返可能係唔想補牙嘅時候你會流血，因為如果補牙唔夠乾嘅話就幫唔到你補牙，因為如果唔夠乾周圍太濕嘅話補完牙都會好快甩

杜牙根又要痛過...
我剝智慧齒已經好痛啦...
剝智慧齒都打左兩針麻醉
剝嘅時候都ok
麻醉過左先痛

咁我仲有漫漫長路...
多謝你咁詳細解答
總共整左幾多錢呀？
我昨日剝牙$4000
我見人地話杜牙根都好貴...

一樣
大約2009左右果陣知橫生
然後個果陣都係個牙醫話要剝要揾專科
話一係唔好剝叫我清密D都Okay
結果因為咁我2018年果陣因為怕
好豪咁去養和揾專科剝
Confirm 好晒d 野之後，我再問返
佢話我果邊d 神經就算受損都無乜野
至多係塊面會無掂佢都會有少少感到刺痛
唔影響面部其他功能

杜牙根係過程痛到痴根啫
杜完就一D都唔痛
先苦後甜

我之前都補過牙（另一隻）唔怕痛呀
可能個隻蛀得唔深
呢隻蛀得深...
聽大家咁講
都冇辦法啦...
唯有等愎原再整

食住止痛藥同冰fu 頂住先...

好醒呀
如果我好似你咁早d 剝
宜家就唔駛攪到咁
蛀牙痛
剝牙又痛
之後杜牙根又痛...

智慧齒真係好智障

你咁講
我好驚
我本身超怕痛...

我要叫佢盡落麻醉

我果陣養和剝晒4隻智慧牙+杜牙根+牙套
我望過養和個價大約係出邊市價貴4-5倍咗右，所以你自己個價錢*4 就得


係喎，啱啱先諗起，杜牙根係至少2次，即係一次杜一次check+埋尾，杜得唔夠好隨時要翻閹幾次，我就好彩2次搞掂...

岩岩有個爸打又係話杜牙根要杜幾次...
唉
好彩開post 問下你地
有d 心理準備