係係你本人個問題度
首先你所講既音樂才華，本身個範圍就過大
作曲同編曲故然係考慮因素，但2樣嘢既要求係截然不同，你亂咁哼啲旋律已經係作曲
但編曲對於音樂既能力要求係相對高，係呢方面平心而論周杰倫有能力應付，但係入唔入到台灣頭十都係問題，唔好講”亞洲第一”
再黎樂器演奏，包括唱歌，都可以係音樂才華既判斷之一，佢既唱歌方式本身就為人垢病，基本上多數既唱歌老師，都唔建議學佢既唱法
樂器方面，只可以講歌手黎講，佢既琴技係好好，唔通要拎佢同朗郎比咩
仲有好多包括音樂種類，藝術性，後期製作等等既問題，跟本每個範圍都有好頂級既人做緊，試問你要咁比既話，周杰倫有邊樣野做到top1？
如果你個問題係一個”全能既歌手”黎講既話，佢絕對係超有才華
但如果係以”音樂人”黎講既話，我只可以講呢個世界比你想像中既大好多
而且你另一個問題係，將件事放大到亞洲第一
而你覺得呢個比較係無問題，咁比人攻擊係意料中事
你本身語言，文化，跟本就唔同，無得咁樣比
假如你得出個美國第一既音樂人先算，但都唔代表可以拎黎同歐洲比較，可能大家玩既音樂已經好大分別
再講番亞洲，有人話日本點勁，有人話周杰倫點勁，咁印度 韓國 越南 泰國呢？你要計佢地啲音樂既藝術性，獨特性，甚至係”紅”既程度，可能都比起你地拎黎討論既有過之而無不及，試問樓主想點樣比較呢？
