[眼鏡撚入] 帶眼鏡既你, 會去眼鏡舖到調教眼鏡, 定自己調教

係咁既,
小弟就好深近視, 帶眼鏡通常係新黑到買鏡框, 新黑既眼鏡雖然靚, 但就比較重,
好多時成日帶眼鏡帶得耐個鏡框就會愈帶愈闊, 好容易就sir落黎, (通常一個月度)
搵眼鏡舖職員較, 有時又未必調教得好, 有時會較到好緊, 又要辛苦一星期待佢慢慢鬆番, 但一過多幾星期後就又要再搵佢地教
試過自己教, 教到爛左副眼鏡, 就有陰影唔敢再自己較, 因為深近視副副眼鏡都好貴

所以想問下咁多位巴打,
通常自己眼鏡帶耐左鬆左會去眼鏡舖度搵職員幫你調教,
定自己調教? 有冇教眼鏡既高手可以入黎教下我地點樣自己教眼鏡係最好。

覺我長遠都係自己較好

有時佢較得唔係我想要既效果
因為深近視, 個鏡片好重, 好易sir落黎, 叫佢教番緊, 有時又太緊

好難答你啵
如果條邊位咪自己屈下佢睇下搞唔搞得掂
鼻托啲位就會就下力試下，但唔敢太大力，斷左就仆街

個鼻托位整貼啲係咪可以頂住唔咁易跌?

主要都係耐左帶鬆左想試下自己教下個鏡腳, 睇下自己可唔可以教到向內勾番實D

我反而係鏡臂闊左, 想自己試下鏡腳教番緊D, 後面勾實左, 等佢唔會跌落黎

搵醫生去校校個鼻

用家問題

有冇整超薄？

細個同同學玩，俾個同學頂中個鼻， 鼻骨突起左
所以成日眼鏡帶得唔好

鼻真係唔高本身

我已經1.74 最超簿左

新黑又真係較鏡麻麻地…
之前有一副起佢地配過之後
從此以後都唔會幫親

準備做smile

用咩材質嘅框?

我用金屬嘅先會自己校，因為金屬可以屈少少無問題。
其他材質唔會自己校

好明白巴打感受
每間舖要師傅手勢都唔同，要花時間去適應
巴打自己調教個時有時試過整爛副眼鏡？

點解咁講？
我覺得新黑服務態度幾好既
鏡框又真係靚
但我會係新黑配鏡框，去屋企附近眼鏡88 配鏡片
方便隨時去眼鏡88配

加油

好少要較喎 你買時候無試咩？

主要都係金屬框
但依家眼鏡鏡腳係膠
膠質地要去眼鏡舖搵佢地去攞熱風機較
自己買左工具同熱風機，但一直唔敢自己較

巴打係咪好淺近視？
我深近視鏡片好重，鏡腳帶鬆左就會向前跌

你幾多度？係咪鏡片太重...
我就大約300 少少散光