論音樂才華全亞洲已經無乜人可以拍得住周杰倫，咁歐美有無人可以與之相比?

開post就吹到亞洲第一, 畀人話佢啲嘢pop, 冇特別就話人哋踩到佢係垃圾, 屌唔撚話得就自己開個"亞洲最有才華台"自己打飛機啦

老老實實，你真係欣賞jay嘅音樂就俾啲心機去了解佢啲音樂，咁同人argue嗰時先唔洗成日要cite其他人。你覺得上面嗰位ching邊嗰位啲樂理有問題嘅咪講清楚，人地係咪蚊型琴行學過下同佢講嘅嘢啱唔啱無關囉。

呢個post都幾有趣
完全見到討論時候常犯嘅問題
就係揸住自己嘅論點，然後推到去極端
樓主就一嘢將jay嘅音樂推到去亞洲最強
跟住反駁嗰方就將jay啲音樂貶為垃圾，普通人都寫得出

樓主on9就一定啦
周杰倫啲歌明顯係有啲位置唔夠好
例如鼓嘅pattern冇咩變化且簡單
跟住如同大部份流行曲一樣，bass只係作為根音存在
講真作為一名玩大提琴嘅人，呢點的確唔係好好
唔好講椎名林檎，宇多田光都難贏啦
但另外嗰邊會唔會有啲激進？
咁都叫垃圾，所有中文地區嘅聽眾可以整聾自己耳仔
嗰啲金曲獎評審可以返歸食屎
明明上youtube都可以見到有啲日本人會cover吓jay中國風歌曲
洗唔洗踩到變成地底泥

我睇咗樓主quote個ptt po，imo，同音樂有關嘅係得幾句：
「早期結合日式饒舌寫出忍者、雙截棍
中期結合管弦樂寫出夜的第七章、龍戰騎士
同期結合國樂寫出青花瓷、菊花台
後期結合情懷寫前世情人、等你下課」
呢啲其實頂多係佢個width，而唔係depth，同埋完全冇分析同其他artist比係咩level。

仲有佢po嗰啲書，得個25本，仲要又「圖解」又「祕笈」，樂理嘅幾乎冇咁滯，音樂史得果一本。我呢個樂理bb班都至少有幾本music theory in practice 擺起檯面。

成個po睇完，冇嘢support到jay嘅音樂水準去亞洲冇人拍得住，亦冇嘢show到個音樂畢業生嘅quality去到邊，根本就冇substance。樓主如果真係有心defend自己個argument，唔該搵番啲好啲嘅support啦。

事實上就係華語地區聽眾普遍音樂鑑賞水平仲係停留喺最基本既階段，尤其係太睇重歌詞，甚至吹到重要過作曲編曲製作嗰啲，咁樣啲主流音樂人點會敢玩偏激既音樂
90年代忘情水吻別嗰啲最傳統既慢板情歌仲係最當紅，咁華語音樂人又點會敢試其他特別啲既曲風
所以當時周杰倫其實只係偏離左主流軌道少少就已經可以改變曬成個樂壇

你真係同個隻老蕭打手同級

周用公廁chord 得我話㗎? 你 youtube 打周杰倫 4536 一堆合集出晒嚟, 仲未計其他1645嗰啲

我笑佢啲progresson 公廁, 你就貼返首loop住2個chord嘅 hip hop 出嚟? 玩鳩我? 定係你覺得咁樣叫好有創意, 驚世駭俗?

我明啲成世聽開中文pop嘅, 戴頂cap帽, yoyoyo 咁, rap, r&b, hip hop已經係好另類好有創意, 但呢個世界仲有啲真係鍾意hip hop同其他genre嘅music fans, 你話周係華語世界第一個將中文pop+rap/hip hop 所以好有創意都話吖(好似都唔係) , 人哋Teriyaki Boyz 神早已經同 Pharrell Williams, Kanye West collab緊、 DJ krush 同 DJ shadow 齊名、 nujabes 食正鬼佬興lofi, chill hop上埋神枱(本人都係)。係呀, 你個亞洲第一有才華出咗亞洲有冇人識你

其實我會將Jay當做唔同曲風既入門，因為佢既音樂風格真係包羅萬有，pop，hiphop，R&B，rock，中國風，甚至jazz都有玩埋，亦都真係真正開創左自己先有既風格，因為佢有啲歌真係好難定義係咩type
你可以透過佢唔同既歌去了解嗰種音樂風格，事實上中國台灣唔少玩rap既都會話Jay係佢地既rap啟蒙，中國有嘻哈都有唔少作品係致敬周杰倫
喺華語樂壇黎講，你要搵第二個好似佢咁多樣性仲要一手包辦既可能真係有，但玩到係一回事，玩得好唔好聽，可唔可以變成經典又係另一回事
青花瓷東風破嗰啲上曬大陸台灣必修教材，做埋音樂科考卷，真係只得一般水平？？

同埋真係講創意就唔會聽主流pop啦. 幾十年前啲人已經覺得咩都玩過晒, blues, rock 聲底好撚悶, (幾十年後有人中文歌加啲pop到嘔嘅so called r&b叫亞洲第一), 先有post punk 同 電子音樂, 冇電子音樂就冇smapling, synthesizer, 就唔會有hip hop, 冇得你做亞洲第一

唔會你真係以為你周啲歌咁把閉係人哋做唔到嘛?

講宏觀啲, 80,90年代, 歐美日本主流都好興ballad, 家陣已經冇晒, 鬼佬轉晒聽edm, 日本有vocaloid 風嘅歌, 你華語世界幾十年都仲係聽緊ballad+"歌詞"+"唱功", 學人講創意 kpop都不如

唔係好識樂理野
我相信大部分聽眾都唔係學院派
我見之前好多人用椎名林檎或者其他人比較編曲複雜程度,
又用攞過咩獎比較
其實普羅大眾都係會用最反璞歸真黎比較, 就係"好唔好聽"
如果單純比較每個歌手出道帶來果種震撼
我覺得周董頭幾隻碟真係做到, 好聽, 新穎, 呢d就係普羅大眾認為既才華
但如果你用另一種標準表較, 例如椎名林檎果種, 由rock玩到交響樂
個人意見已經係屬於藝術角度唔係用通俗去睇, 好唔好聽好多人都兩極化
當然亦衍生一個問題, 由邊個去決定邊個有才華
呢個係大眾認同同埋業內認同問題

所以我不嬲都唔認同樓主話Jay係亞洲最top
但好似上面都有個ching咁講，呢個post一係就吹奏到Jay係冇得頂，一係就彈到佢一般碎料咁求其搵個真係學音樂既都好過佢

好老實 周杰倫對成個華語樂壇影響係好深

的確佢係上咗神枱 亦冇人話周杰倫音樂底唔好

只不過要比嘅話 椎名林檎絕對可以將周比下去

但周嘅成就同影響的確係近20年最深

將成個華語樂壇風氣改變

以事論事 無必幫周杰倫死撐

請舉例

成班咁認真同周杰倫啲fans做分析
佢地歌都唔聽多首淨係識聽人講周杰倫好勁就日日係度吹捧周杰倫
洗鬼出到日本仔咩韓仔都屌打佢9條街啦
仲吹到亞洲第一
出左華語圈邊撚個識佢啊

周杰倫已經江郎才盡，依家只係個炫富廢中

下佢成日講華語音樂才是最屌
叫人唔好崇洋媚外唔好迷kpop
又話自己唔會聽其他人既歌
連黃俊郎都咁講過佢
話佢早期去到外地拍mv都會去當地cd鋪買好多音樂黎聽 但到中後期開始已經唔見佢咁做
知唔知姐撚回佢咩？佢叫黃俊郎唔洗擔心因為佢永遠都係最屌才華源源不絕

亞洲黎計
男：櫻井和壽
女：椎名林檎
創作力勁到應該捉去做大腦研究

周杰倫的歌下載量全球排第三
無人識？