話說同我老公結婚都第三年 有個差唔多兩歲嘅仔 我地係中學同學嚟 但讀書嗰陣同佢係唔同班又唔熟 五年前有同學結婚撞返先慢慢一齊 開頭同佢一齊佢都對我好好 我收10:00都接我收工同我食飯仲要送埋我返屋企 而且佢份人又幽默成日講爛gag氹我開心 開頭都覺得冇乜嘢大家相處得好開心 點知去到佢求婚 開始雙方傾酒席 過大禮嘅時候就知大家價值觀好唔同...但我又好愛佢 所以忍左諗住都行到嚟呢步算啦 佢阿媽話咩就咩 禮金俾幾多我哋一家人半句說話都冇講過 唯一堅持嘅係要喺酒店搞（原本佢阿媽話想係屋村酒樓搞
）我屋企唔係好有錢 但算係小康之家 住買落咗嘅九龍城啲舊式私人樓 由細到大都係靠阿爸搵錢 佢都係做吓啲生意仔 有幾架紅van收租 阿媽就結婚之後做咗咁多年家庭主婦 佢阿爸就做裝修 阿媽就係大陸落嚟操純正普通話嗰啲
喺樓下茶餐廳做 家住公屋 但我從來都冇歧視過佢哋 亦都明佢阿媽呢啲新移民好難翻身 加上我細個嘅時候屋企都唔有錢 都係一家六口迫埋喺間百幾呎細房度住 係後尾經濟好咗啲我地先搬入去而家嗰度我自己份工就如果勤力做到多單 人工收入都幾可觀(有時都有60K左右）結婚前我想買咩就買咩 屋企人亦冇比壓力我 要做啲咩搵幾多錢 俾幾多家用 但嗰陣時嘅男朋友係做緊物流 簡單啲來講就係執下倉 負責跟車送貨嗰啲（而家升咗職 搵20K左右）不過我又覺得冇所謂 兩個人一齊最重要係相處得開心 人工呢啲好閒 我搵到錢返屋企大家生活到咪得 點知原來佢一直都好自卑 好介意老婆搵得多過佢 佢係我面前從來冇講過㗎 係早排佢啲朋友醉咗之後講我知 但我都冇問我老公求證 淨係擺咗係心入邊 唉
而家諗返又係 有陣時返阿媽度食飯 間唔中我同埋啲細路妹食好少少 買下海膽呀刺身呀返去食飯佢就屌晒鬼 一走佢就問「我哋係咪幾百萬未出頭 係咪唔使供樓啊？」（求婚之後就買咗樓花 亞仔出世嗰排收樓 我出咗八成首期 剩返低兩成我老公出咗啲問佢阿爸阿媽借咗啲 因為係我提議買樓嘅 呢件事我都冇講過佢哋半句不是 覺得邊個出到錢咪邊個俾多啲囉反正大家係一家人 ）
又有時我身邊朋友生日 我請佢地食餐好嘅 鐵板燒、Omakase啊～$2000 per head返到去都會講幾句問我老豆係咪李嘉誠 問我有冇金錢觀念
去到後尾我索性唔講同咩人食飯係邊度食 費事又嘈交 平時大家相處除咗金錢上其實都冇乜嘢 係真係soulmate嗰種好夾嘅伴侶 但諗起亞仔就快要報幼稚園都驚 實有排嘈 我真係想亞仔可以讀啲玩樂多既國際學校 唔想佢咁細個就開始讀書寫字背乘數表 但老公又想佢讀普通傳統學校
講講吓個價值觀好似越嚟越唔同 唉 但係互相其實都好愛大家
不過佢真係好自卑 亦因此引起左好多拗撬 搞到好多時大家都面阻阻究竟有冇咩方法可以搞搞佢嘅自卑問題
，呢個係一個根本性問題
