淺談自願醫保

有錢留多個錢走過啦戇鳩仲喺香港買咁多嘢你真係有病

都幾易明 想問巴打幾樣嘢

1.如果我後生 係咪可以買份無咁貴嘅頂住先
到年紀大咗 驚多病痛 再轉份hi-end啲嘅 咁樣得唔得？

2.如是者 自願醫保又可唔可以中途轉留傳統醫保呢？

3.睇過你之前幾個po 其實你好似推自願醫保多啲？

好多問題 唔該曬巴打

1. OK啊，畢竟後生有大病嘅機率相對低。唔少人都是一份基本醫保加個普通危疾看門口。高端醫保到了50打後好瘌痢

2. 唔得。坦白講，醫保買左係唔可以中途轉plan。之前傳統轉自願醫保，係因為政府有政策

3. 估計你都是比較後生，後生嘅話以後仲有好多升職嘅機會。買份基本嘅加個smm夠用喇，高端嘅等以後再諗都唔遲。加油💪

Thx巴打 好有心機 咁詳細

想請教想幫屋企人六十幾歲買自願醫保，本身有啲長期病做過手術但唔大問題，唔介意自己要俾少少錢但想使費貴嗰啲cover到，建議買邊間同邊個plan?

醫保的核保是咁多種保險裡面最嚴嘅，所以需要問清楚身體狀況
你所講嘅「長期病」指嘅係？
做完手術後，現在仲需唔需要定期複診、吃藥或者檢查？

如果是高血壓和糖尿病，恐怕就買唔到喇

唔係高血壓糖尿病，係甲狀腺，做手術就好多年前腰

咁做完手術後，仲需唔需要吃藥或者複診？
如果要，甲狀腺視乎情況，有可能除外或者加保費

腰嘅話，如果是普通勞損，唔影響核保

六十幾嘅話，保費唔平，因為55打後用到醫保嘅機會大增

自願醫保，其實就是三個plan
1)標準
2）靈活
3）高端

標準嘅話，唔建議，因為無得加smm, 大病決定唔夠，小病又唔夠冚
3）保障範圍最廣，但是保費瘌痢
2）最多人買，保費和保障範圍介乎上面兩隻中間
For more details
IG:
teahouse_insurance

腰嘅手術唔使覆診，甲狀腺就keep住要每年睇

咁如果買靈活plan，點揀岩嘅plan？smm 係買嗰時已經要揀？

1)keep 住複診嘅話，要睇番醫生嘅報告先可以確定係除外定加保費

2）靈活最重要先睇可唔可以加smm，如果無得加，萬一做手術，多出黎嘅儀器費要自己啃（好瘌痢）
考慮到老人家嘅年齡和保費，smm可以揀每年10萬

咁靈活plan有無邊間公司好？我見富衛好似評分幾高

Fwd &四大保險公司都OK

咁點揀邊間好？

另外保額幾多先算ok？

你一開始點解想幫屋企人買返份醫保？
要知道你想達到嘅目標，先可以推薦

想有咩事需要入院，特別係大事可以有保險cover，唔使自己俾咁多/俾哂

如果fwd易衛你同尊衛你兩隻plan你點睇？

兩隻都係全數保障，一隻低階版一隻高階版

巴打，想幫自己買份醫保，而家廿中，追左幾個post都見多人推薦basic標準自願醫保+有墊底既高端，咁樣保費抵啲又保得最多
暫時揀左bowtie標準+fwd尊衛你(16000墊底費，怕50000嗰個bowtie唔夠cover墊底費)，你覺得呢個組合岩我呢個年紀嗎？定有其他選擇？thanks!

broker，可以tg 了解下

@brokerhill

1）點解想買醫保？
2）有無公司醫保？

想買自願醫保，但又想幾年後移民
係咪唔買好過？

1. 早排唔舒服入過一次院，冇事亦唔知咩事但黎緊約左照us，驚可能真係有問題所以想拿拿林買左先，不過發現好多都要生效左30日後先開始有得保，我再睇返可能cigna靈活墊底萬五嗰個比fwd尊衛你岩而家個情況多啲，但佢又貴過fwd
2. 公司冇醫保

坦白講，不建議你而家買

按照你👆所講，你身體唔舒服，之後需要再做檢查先知係乜嘢事。你擔心萬一有事，醫藥費可能很貴，想買返份醫保保障自己。

但是，你咁樣嘅情況，即使你買左，到時萬一真是中左，保險公司都係唔會賠。因為呢種情況，叫做「投保前已經出現嘅病徵或疾病」，保險公司嘅理賠部只要check返你嘅醫療紀錄就會知。如果有人sell你話只要唔申報就無事，你就中伏喇。

明白你而家肯定很擔心，加上本身公司又無醫保，唉...
而家最重要嘅，check清楚自己乜嘢事先，有時未必真係有事。

至於醫保，之後再打算喇

點解想買醫保呢？

一黎想扣稅，二黎唔肯定幾時會走
可能10年，15年後先走