【突發】忍無可忍！攬炒巴你屈夠重光團隊未？

由上年十月以來，SWHK 重光團隊一直本住不捉鬼態度，極力容忍他人有組織地含血噴人，挑撥各方勢力，以誣蔑他人而提高自己地位嘅卑鄙手段。

息事寧人唔係因為理虧，係唔想運動虛耗、為政權派花生同彈藥。

但喺怨氣無定發嘅大環境中，有心人嘅搧風點火已醞釀成某些有企圖嘅組織對 SWHK 嘅仇視，甚至構成對隊員人身安全嘅威脅。


團隊覺得有必要還原真相，所以決定一次過澄清。


劉祖廸（攬炒巴）之所以高調離開 SWHK，唔係咩路線不同，而係佢理虧，不甘隊員批評而拍拍籮柚咁走咗去。

2020年7月黑警公佈通緝劉祖廸後，隊員密鑼緊鼓商討對策時發現由佢由 2020 年一月喺香港行街唔睇路比人拉左開始，多次先斬後奏、作出罔顧團隊安全嘅決定。

團隊原意係支持開咗名嘅劉祖迪作為團隊嘅發言人，但要求佢要明白一件事，團隊同佢從來都無從屬關係，每一位隊員地位平等。


但係佢勇於認錯、絕不改過嘅作風，最後喺不能接受被問責、惱羞成怒下提出分家。

調解不果後向 SWHK 提出隻身想拎港幣六百五十萬，全體隊員要求佢要錢就必須要提交計劃書，詳細寫明會點用香港人血汗錢，而提交計劃書申請撥款亦係隊內隊外可以動用錢嘅唯一途徑。

SWHK 收到一份內容空洞但總和索取港幣六百五十萬元嘅計劃書，並只提供三日作回覆限期，團隊財委會就佢計劃書嘅內容詢問佢關於如何執行嘅詳情，之後就無再收到佢嘅回覆，但佢卻對外聲稱團隊故意留難佢。團隊亦有打算俾有建設性回應，等佢做嘅野對香港有幫助再批錢。

佢要公開離隊，團隊深明咁做一定會撕裂抗爭陣營，分裂國際線嘅手足，所以都極力反對，希望勸到佢回心轉意。

不過佢10月5日粒聲唔出就同全世界講要分家，同場加映個TG poll去分錢。

唔L用腦架？用TG poll分錢，係咪搞笑？

鄭重澄清，劉祖迪要公開同團隊分家，團隊所有人，係所有人都反對，票都投過。


對於佢之後一連串極具中共色彩嘅操作，如亂扣帽子（低調、財政不透明、晒錢好請lobbying firm）、集別人之大成為已用、賣慘煽動各方勢力等，我哋並唔意外。

我哋只想同手足講 一個連英雄都沒有嘅年代，大家又何苦造神、寄托希望於幻想？

一個無法喺合理合法規範下分錢不成嘅人，突然畫風一轉自命兩袖清風

更要求公眾監察喺NSL下買少見少嘅國際戰線組織財政

劉祖迪你前世未見識過中共嘅手段，唔feed證據俾對家唔安樂呀？


除咗秉承佢一向罔顧手足安全嘅風格、我諗大家都會明白佢想令公衆相信 SWHK 財政混亂嘅居心。喺NSL之前，我哋最盡都只能每隔一段時間同公眾公佈會計師盤數，講下洗錢嘅大方向，原因係唔想俾人順藤摸瓜，影響各地合作夥伴。

而家係革命呀，你有無聽過孫中山會同清政府解釋啲錢點洗？

2020 年 5 月嘅衆籌清晰列明係兩年以上嘅運作經費並包括一個廣告 campaign，我哋做嘅嘢亦係根據眾籌嗰時列出嘅方向洗。我哋想問，日日問啲錢洗左去邊嘅人係咩心腸？定係爛仔踩場想恐嚇我哋？

至於經費係咪應該用嚟接濟手足，呢個問題同要求醫眼疾嘅奧比斯將經費用於接濟難民無異。當日課金嘅主旨就係支持 SWHK 嘅國際戰線，若 SWHK 可以無視衆籌承諾、單憑某一位團員意願就可以改變資金用途，咁就叫對得住捐過錢嘅手足？何況講過好多次，眾籌受當地法律約束，唔係你話分一半錢俾劉祖廸或者任何人就得。而且我哋從來無排除過日後捐錢支援其他項目嘅可能性。


定係喺某些人嘅眼中， 重光團隊懷璧其罪，而佢哋嘅目的不過想威迫恐嚇團隊以香港人嘅血汗錢息事寧人？


過去咁多個月，大大隻死貓係咁食，我哋都無諗過公開劉祖廸嘅不是同無理要求。

一無必要將矛盾公開，二來公開得多只會對隊員同其他手足嘅安全產生更加多嘅威脅。


但係謊言講一百次就會變成真話。


佢走咗，做唔到隊友都無諗過要做敵人

重光團隊見得人，拜得神，劉祖廸同我哋分家後，卻當昔日嘅隊友係敵人，不停攻擊我哋。

我哋忍無可忍，別無他選，只能夠公開回應，捍衛團隊嘅名聲，以昭日月。

爭取民主，光復香港，就要知行合一。我哋以往從沒埋沒過劉祖迪對呢場運動嘅付出同貢獻，我哋重視佢嘅攬炒論，作為朋友兄弟亦為佢分憂解困，關懷問暖。但係分家過後，劉祖廸你完全忘記曾經同你合作嘅團隊，SWHK入面無一個人係可以繼續忍受你對我地嘅破壞。

我哋期盼劉祖廸能夠早日尋回良知，捨棄個人極權主義，真正實踐追求民主開放自由公平信念。

最後一次 劉祖廸我哋同你講 唔好再對 SWHK 重光團隊 作出毫無事實根據嘅抹黑同抵毀

我哋唔想同光復路上嘅同路人花無謂嘅時間內鬥

但係任何人要堅持，重光團隊一定奉陪到底

中共政權點名打擊我哋，我哋都未驚過，我哋更加唔會怕任何攻擊勒索。

唉 點解要搞到咁

唉

Lm

lm
等睇狗咬狗

一張圖都無？

唔想再見到內鬥了

依家D錢喺邊度？

大家都一担擔架啦

錢就你地袋撚住
講乜都得啦

真正嘅內憂外患

見唔到攬抄攻擊抹黑重光
所以唔該有野私下拆掂
無謂放上黎變表演馬騮戲

條友咩事

點啊？

攬炒俾人拉左d錢俾你地keep住哂，依家仲要落井下石？

黑警濫捕，但你反而話手足唔睇路？ Short 9左？

鬧黑警又唔見你出咁多post?

拉番先

除咗饅頭channel有匿名爆料其他地方有攬炒開名屌swhk?
咁樣開名屌咁好笑?
利 花生友

一大篇文章。 證據係邊？

大鑊了
又準備有人扮極端撚

攬炒屌波台個po主旨咪係屌重光

花生花生

唔夠饅頭講。

都係你睇得通透