個陣過年 我爸自己一個係屋企 突然心口痛 呼吸唔到
即刻打999 佢忍住落樓 但係lift口出唔到去 最後係保安拖佢出黎既
送到急症室 check到大動脈爆裂 要留院觀察但同時又發現肺同腎上腺有影 都幾大 但醫生講一定要心無事 先搞到個肺 再到腎上線
咁係醫院過左幾日 醫生話藥物控制唔到個大動脈爆 一定要做手術 做左成8個鐘 我個陣見到爸爸喊
但我又要忍住 唔想嚇親佢 手術個陣 我同媽媽喊左出黎 係我哥安慰我地 之後手術好成功
完左心 就到肺啦 前後抽左4次肺 次次都無野抽到 但醫生驚抽唔到 唔代表無事 因為腎上線有影 驚係擴散 個陣我日日喊
好彩最後切完個肺係最初最初期 切完無事了
但腎上線就無搞過 出院個陣 我爸好虛 本身係肥佬變到好瘦