講左分手應唔應該箍煲

分手，從來都只會係蓄謀已久，冇突如其來的。可以做嘅只有好好療傷，將重心擺返喺自己身上。唔好ff佢有咩苦衷先分手 or 你有咩做得唔好 你可以改 之類嘅諗法。要箍煲都係佢箍，有乜理由你俾人掟煲 仲要自己箍返

講到尾都係唔愛，個啲咩好愛但係覺得一齊唔到都係垃圾說話

唉 好中

個個唔同，好多因素
你有幾愛佢？
你接唔接受到佢同你講過分開，心入面會唔會有刺？
分有原因一定係有個問題出現左，一直無解決，你有幾大決心去解決？
有dfd話想箍呢個心情，只係你唔甘心
但真係淨係得唔甘心？

淨係諗同講無用，真係想箍
去準備點箍，去行動
但要有心理準備，過程好辛苦
你可能好快放棄到
又可能你堅持到最後，都係咩都無
一邊箍，但同時都要好好生活，唔好自暴自棄

我都決定去再箍下

一齊耐左，新鮮感小左
雙方都有啲係屋企人既感覺
但就正正係呢個感覺 另你忽略左佢
雖然係家人 但都係有分別
要花心思比佢有一開始 一齊既感覺
點做到 我都唔知

過來人，13年感情心淡分手，衰當感情理所當然，拖住問題冇解決，最後頂唔順爆煲。失去了先識珍惜，講就個個都明，有幾多人做到呢，這是人性。學識展望未來先係大道理

唔應該
女人講呢啲好絕
一時三刻唔會搵得掂
利申過來人

分開就講話會珍惜，佢一定唔信。但係分開左一定有成長，有改變，如果無變既話可能係你根本唔夠愛佢，覺得可有可無。而且問題留係度，無論係一齊番定係下一個，都會出現同一個結果。自己有無變，佢雖然唔會知，但係你呃唔到自己。另外，我覺得想復合唔代表原地踏步，只要係向好過方面咁去改變自己都算係學識左展望未來呀。

唔好chat ig story post出去玩既野, 同大班fd玩都post, 扮有新對像post啲拍拖先會做既野但唔好出女方既樣，post你學新野show你變好左，轉個新型象令自己charm啲。全部都要post story比你ex見到，千祈唔好post放負既野，女方見到你放負佢會暗爽，原來佢咁重要。

keep住做一排，生活多資多采啲。

佢會揾返你chat，會重新吸引到佢，因為你原本屬於佢，依家要比對方feel到佢真係失去左你，失去你之後你仲變好左，佢就會開始心理唔平衡，有想搵返你既諗法，主導權就係你到

係黑暗兵法，但係有用。

變返fd唔多理佢，再暗地吸引返佢。

其實無論我地點講，你到最後尾都係會想搵佢，由你問得出個下即係代表你根本想搵佢。所以無論你搵唔搵佢都好，只要你做呢個決定唔會後悔就得，反正就算你柒左，都係你同佢兩個嘅事。
利申 啱啱散無耐 經歷完你呢一個階段

前題係對方無新目標