平胸之苦 冇人天生想做太平公主

身爲女人嘅我，一直都好自卑自己平胸
我覺得自己仲平過男人，唔知aa cup都有冇
我唔敢去游水，唔敢到公眾更衣室換衫，去買bra都唔夠膽，驚俾人知同見到自己係平胸。

我覺得自己人生冇自信過
我知人生唔可以用心口嗰兩舊脂肪黎定義，但奈何呢個係女性嘅生理特徵，你冇，就注定係要自卑。

我21歲都係未拍過拖，我係連識男仔嘅勇氣都冇，因為我知道做男朋友嘅，一定唔希望自己女朋友冇胸
我一直覺得我冇資格拍拖、甚至有sex

我唔係瘦底，亦唔洗肥，只係可能天生胸部發育不良，應該係遺傳
我老母早產開刀拎在我出黎，但後來我滿月嘅時候，因為cancer而過左身
我雖然未見過佢，不過睇相都知佢都係胸細一族。我望番我老豆嗰邊，啊嫲姑媽姑姐個個都胸好大，我就會諗點解偏偏我就冇，真係好唔開心...

由中學開始，我見住身邊嘅女同學換衫，見到佢地嘅胸部，再望番自己胸前尤如ipad一樣，我就知我仆街喇。我當時仲會不斷安慰自己：我仲未發育啫，我戴唔啱bra啫⋯⋯

但事實係，我個胸真係生唔出脂肪。

我宜家好快已經接受左我平胸係冇得用自然嘅方法救，唯一方法就係去隆胸

我唔係要有大波，我係要有基本嘅胸，揾番作為一個女人嘅尊嚴。

我宜家仲讀緊書，我考慮畢左業做嘢一排後，就儲錢去台灣隆胸。
我亦唔打算話俾屋企人同朋友知，
我真係講唔出口，我一直都為平胸而自卑
有時我啲朋友笑啲女明星平胸，或者笑其他人墊厚pad，我都只係苦笑
其實真係冇人想天生平胸。

我寧願自己個胸係假嘅都唔願意呢一世都抬唔起頭做女人
我都好想著得性感啲，我都好想光明正大咁係女更衣室換衫，揀件靚嘅比堅尼，著住佢去海灘玩，去影港女相。至起碼可以喺女人最花樣年華嘅時候，留低青春性感嘅腳印。

我都好驚做手術，好驚有後遺症，而且隆出黎嘅胸都唔會keep 到一世，仲有好多好多未知之數，甚至有風險會死喺手術台之上....

每次諗起個胸，我就覺得好矛盾好矛盾
有時又會覺得好攰，點解要咁辛苦付出咁多去追尋嗰兩舊脂肪...

有冇絲打明白平胸嘅難受之處？

平胸都可以性感姐...小妹波細都好自豪

真係完全無脂肪咩....
其實鍾意你 無胸唔係重點
呢個世界有人鍾意大波 有人鍾意平胸
唔使隆啦 搵個男人搓大佢 生返個仔女 個波都會變大

千奇唔好隆胸！！！

平胸都可以性感姐...小妹波細都好自豪

絲打我都明平有平嘅性感 只係我平過男人咁 真係好難自信起黎

真係完全無脂肪咩....
其實鍾意你 無胸唔係重點
呢個世界有人鍾意大波 有人鍾意平胸
唔使隆啦 搵個男人搓大佢 生返個仔女 個波都會變大

我可以答你 無
我有時仲羨慕啲肥底男人,佢個胸仲大過我TT
我都懷疑自己係咪偽娘，男人見到我平到咁應該咩性慾都無

平胸都可以性感姐...小妹波細都好自豪

絲打我都明平有平嘅性感 只係我平過男人咁 真係好難自信起黎

有朋友aa cup 食好多仔 佢有樣有腳

平時出街墊下野囉 最多唔去游水

亦都識男人鐘意平胸

平胸係慘既 不過香港周街都係 起碼唔會俾人岐視先

我明我仲要無腳無樣

我諗你自卑先係最大問題
大把女平胸 樣子正常都大把仔追
尤其係香港地咁多厹既地方
我絕對支持平胸絲打去隆胸
但你都要發掘下自己優點興趣先吸引到人

我唔係話平胸就無人愛 無內在美
但係有邊個男仔唔想揸波
我如果有男朋友 都希望可以滿足到佢

千奇唔好隆胸！！！

點解啊 我好想隆

男人平胸有咩問題

平胸都可以性感姐...小妹波細都好自豪

唔好意思講句。。。食屎啦你

你唔好咁啦
就算你平胸 你樣靚一樣大把人追架
不如你留返啲錢整容好過啦

heidi夠平啦
一樣咁多人中意
不過你要有佢咁靚

唉 唔好唔開心啦 我借我個肥仔波比你玩咪得囉

雖然我對女人波既大小冇乜所謂,反而唔想咁大,但aa級就真係,樓主rip

你唔好咁啦
就算你平胸 你樣靚一樣大把人追架
不如你留返啲錢整容好過啦

最好兩樣一齊整啦
但樣可以靠化妝 而我個胸點擠都擠唔出

圖

我反而唔中意大波……
貧乳反而仲正

只能話各有市場囉