有冇人生過貓癬

係啲貓傳俾你？

都關抵抗力同環境事
作息飲食要健康 啲衫褲要殺菌 屋企多啲消毒 唔好直接掂隻有癬既貓 要帶手套
我之前生 淨係開頭幾日用藥膏
之後懶 咩都冇搞 過一排自己無了 印都消緊

屋企隻貓貓傳比我我成兩個幾月都未搞掂
你幾日就搞掂

早幾個月前生過，五毫子咁大....生左兩撻，但冇理佢，一星期後自己好返，而家都幾乎冇晒啲印

主要都係提高抵抗力，消毒所有衣物，保持環境乾爽、清潔，...無論係貓定係人都要曬太陽

你隻貓貓好番未呀？
佢唔好轉你都會keep住有

以前隻貓有生過，睇左幾次醫生，有次開咗支沖涼液，台灣叫「麻辣洗」，一星期洗一次，一個月好返，好過查藥膏。

我之前都試過。
去睇皮膚科醫生，搽藥膏，所有野都抹一次，床單換埋 中，就好快冇再生，都冇留印。

未好返呀佢都睇左成個月醫生都未搞掂

我隻貓貓仲係bb仔5個月大唔敢用呢啲住

生我又冇再生新嘅 但舊嗰啲好易復發

屋企得一隻貓 有冇籠養？

貓癬通常都要2-3個月先好
有癬既地方要抆曬啲毛 keep住日日消毒同上藥膏
屋企環境都要乾淨 餵多啲補品等佢肥啲壯啲會快啲好番 貓癬都淨係可以恰下啲體弱既老幼貓

你摸佢盡量帶手套 同鋪張墊俾佢踩住

我果隻都搞左我差唔多3個月

個獸醫同我地講唔洗困籠所以我地凈係帶左頭套
我地隻貓貓啲癬生左係耳仔入面 所以都幾難搞
佢都幾肥幾壯架
同埋我地初養貓 完全唔知貓貓生緊癬唔打得針
之前個醫生明知佢生癬都幫我地打 可能咁樣搞到佢發得仲勁左 好心噏
都預左會搞得耐 希望黎緊覆診有好轉

我同隻貓貓都已經好返曬啦
個醫生開左藥比佢食左成個幾兩個星期 仲要每日同佢洗耳仔 之後就好返lu