*長文*
見到呢間沖涼房落地玻璃幾開揚幾乾淨就試下，點知試完真係勁後悔勁心痛，大家真係要小心！
由一入去就將我隻狗放入上格籠，但個籠竟然會搖已經唔對路，我已經即刻話你未沖不如我抱番隻狗出黎先，有個長髮女(自稱店長)即刻話打算宜家沖
沖前已經提醒我隻狗比較細膽，見佢一沖水我隻狗就即刻慘叫想走(試過第二間唔會咁)，無理我隻狗掙扎仲兜頭淋水，水入哂眼，明顯好無耐性好粗魯，吱皂又係就咁吱上身，無點捽過就沖水，然後係盤底拎條濕毛巾扭乾就抹落隻狗既眼到(見到呆左)，吹毛未做安全措施零空單手托住隻狗就吹，仲一直擰轉頭同其他人講野
我見到咁即刻叫停，話你吹乾埋就完，你太粗魯我要接走隻狗，你咁樣係虐待狗，佢就好激動話係咁沖，做左好多年，唔滿意自己沖囉比番你囉，唔捉住隻狗跌親係咪要我負責？(大佬都唔係單手零空托住呀)
期間我隻狗凍到震，我話你要吹埋毛，錢我會比足，睇到佢勁大力咁揚毛，我隻狗係咁慘叫，仲同另一個話我投訴佢虐待，毛唔梳啦，我即刻要求轉另一個吹毛，嘈多幾句佢就發哂脾氣咁走左去
大家真係揀寵物美容要小心，唔好睇到落地玻璃就覺得可信，我諗好多狗主都未必會似我留低望多陣，想像唔到主人唔望住會點，入到去望原來地下好濕好污糟，工作枱好多毛**入面籠d狗都係好焦慮好驚係咁慘叫**呢d都係隔住玻璃睇唔到，狗狗唔識話你知唔舒服，無耐性做美容同虐狗無分別！！！！！
手足真係唔好去！
條毛巾係浴缸拎上黎扭乾就抹眼，用完一直掛住，唔知有冇重用
地下痴笠笠有水好多毛髮好污糟
工作枱好污糟
沖完眼好紅，嘴角污糟無洗乾淨
