貓凍乾糧一問

因為我想隻貓由食乾糧同罐頭 轉做食凍乾
前兩日買左包k9凍乾糧 買完即刻開比佢食
但係食左兩粒 佢連埋前將幾個鐘食既野都嘔埋出黎
我果陣諗可能係因為之前食過野 所以再食先會嘔 琴晚食完就冇加糧 諗住今朝比佢再試凍乾 又係食兩粒就嘔 嘔埋d胃液出黎 嘔左幾次

想問下各位巴絲 係咪唔應該餵凍乾比佢 或者我用錯方法？

你有無加水餵？

第一次冇 琴晚加水 佢一見到水已經調頭走食都唔食 今朝比幾粒佢食 冇加水 食左兩三粒就嘔

你唔好餵住凍乾先
同埋餵凍乾 最好同罐罐/乾糧隔12個鐘 先餵
生熟肉 撈埋嚟食 有機會會肚痾

好既唔該哂 同埋係咪應該凍乾浸暖水再搞爛佢先比佢食？

我自己餵就係搣到勁碎先加水餵
入冬以嚟 我都係加過少少熱水再溝常溫水畀佢哋

咁我今晚番去再試下 唔該哂

生肉糧入面有碎骨，係唔可以用熱水，只可用30零40度溫水，骨遇熱水物理上會變咗質水，變咗貓貓會消化唔到d骨，而且仲會傷到個胃。

*變咗質.....

轉糧要慢慢轉 你有無溝返舊糧比佢

今日番去慢慢浸先 唔該哂

今朝有呀 幾粒凍乾 加舊糧 都嘔哂出後

但係我果隻貓平時食罐頭 只可以食到半罐 多多半罐都會嘔 我見人地加水加到成兜滿哂食都冇事

我自己就用水浸幾分鐘，再用鐵匙羹壓k9糧變糊仔咁，等佢lam. 後來佢食咗半年食厭咗，又轉過其他生凍乾，但一係唔鐘意食，一係會肚疴，最後就轉咗食thrive罐加thrive grain free乾糧加k9凍乾(唔浸水，因佢唔食)。如果你主子食乾嘅會嘔，就由佢唔好迫佢喇。佢地真係好煩好硬頸，話唔食就唔

另外我貓貓唔鐘意牛肉，鹿肉呢d，可能覺得陣味較濃。你慢慢摸熟佢口味啦，加油！

我而家果隻都係一口氣食得半罐到，我加1/4罐水，加太多水佢會嬲，唔食，走。佢仲要lam完水，要加貓餅落罐罐到兩溝至大大啖食

其實都養左佢就黎3年 都未搵到佢鐘意食既野 買過好多款罐 佢都係聞一下就走 見凍乾個個都話好 佢就食到嘔

完全明白你果種心累
我貓貓都就4年歲喇，我之前都好似你，唔同款罐都買一罐，見佢肯食就開心到發癲（我講我）同埋我貓貓剩係對肉絲罐有興趣。肉泥就no no lah

各位 我今日再試 暖水浸淋壓爛 撈罐頭

佢lam左一下就唔食 之後又狂嘔

係咪姐係代表佢唔適合食？

想知凍乾唔落水隻貓先食點搞