剛剛分手的你，入黎傾下，大家互相扶持好嗎？(162)

3日前分手

對上一次分手係2014年
對我黎講果次係最刻骨銘心既一次
之後拍拖好多時都係諗起果個，真係投入唔到，所以好快就分手
自從果次分左手之後，個心比人挖空左一半咁
同人一齊冇左初初好愛一個人既感覺，分手亦都冇左自己好軟弱既一面，會好痛好唔捨得
直到遇到呢個，令我搵返呢隻感覺，好似願意將另外一半比埋佢

同佢一齊4年黎，由初初好錫佢
到慢慢覺得佢就慣左我，變到好多野我都覺得理所當然
好多小事都要同佢嘈，點解唔識諗下佢感受，有時讓下女朋友係咪駛死？
受左我d臭脾氣4年，好多野話改之後過左一排又做返，或者我總係覺得佢唔會離開我
或者一開頭一齊係佢愛我多d，覺得之後都係咁
最後去到上個月尾，又因為d小事嘈，今次嘈完，佢成個人冷淡晒，唔再同以前一樣哄得返
果下我先好似如夢初醒，諗返起晒以前所有所有對佢唔好既野，因為知道今次真係會冇左佢
佢同我講4年以黎都咁，心淡喇，有d野係我本性黎改唔到，想分開下
過左幾日，3日前同我講埋分手

有d野真係失去先知原來好重要，4年黎比左好多次機會我都冇去珍惜
同好多人一樣，佢話分手就會去lur佢希望佢比多次機會
一路以黎我係佢面前都係好硬淨既樣，從來都冇係佢面前喊過
但呢次全部軟弱既一面都出返晒黎
任我點哀求佢，點樣話今次真係反省都唔會再返我一齊
話已經冇左初初好愛我既感覺
果下個心好似比人撕開左咁
好唔甘心，唔知點解仲有d嬲
點解就算已經哭崩長城對方都好似完全冇感覺冇反應，淨係好冷淡咁叫你好好take care?
但我真係唔知有乜資格諗呢d野，所有野都係當初自己造成，係自己抵死
當初識得咁諗而家就唔會咁

一到夜晚收工
就會諗起好多以往收工會搵佢既片段同畫面
而家，收工自己一個，返到屋企淨係識飲酒麻醉下自己
個心真係好痛
想搵個地方講出黎