其實結婚簡單複雜程度係點

我知道好多人都覺得可以好簡單就成事
但亦都有好多外來既複雜聲音
點樣同自己既伴侶溝通交談
..拍緊拖既女友想結婚,我都有呢個心意
但無從入手一舊雲咁
由最簡單既鑽戒到其他安排...

我一條友連個朋友都無

你問下女朋友：你想擺酒定直接註冊呀？

我律師樓註冊, 3千8全包 淨係叫左少少親戚黎睇

有咩分別,理論上要擺酒俾返個交代女方\
但我男方呢邊真係唔知可以請到咩野人出席
好似得親戚幾個外加親人
20個人就可能夠晒
本人朋友一個都無
女方自己淨係親密既朋友都至少20個,其他唔太親蜜既可能不下100人
仲有親戚之類都唔識計條數

點玩法架?

無錯呀, 唔擺酒就禮數做好D
依家疫情好易推
老人家真係想要既
就一定要有酒席期, 如果唔係咩都搞唔到
PREWEDDING > BIG DAY
好多小事加埋

我女友話去註冊處攪 律師都唔洗請

裸婚咩都唔攪

你問左女朋友係咪要擺酒先
擺酒都唔係個個請

毒撚擺酒黎獻世咩
條女係都要擺就中出即飛啦

好多有一條服務
google下啦

打去約期, 俾錢, 到時出席, 完

不過最緊要同你未來老婆傾左先. 之後再同4大長老傾. 有時D野係你地OK但長老唔OK D長老有時口講就冇所謂, 到細節又話要咁咁咁....

搞大個肚佢咪得

點解有型？我覺得點結婚只係一種型式，你揀A,佢揀B。但唔存在少人做，就型呢種概念。

唔一定要男女家一齊擺
好多都分開男家還男家
女家還女家擺的

同埋你女友多朋友親戚
都要問左計吓要幾多圍先

結婚要唔要行聖堂之類
唔駛既請個律師夜晚開席前黎主持咪得

仲有要唔要接新娘
要既你冇兄弟團麻煩少少
到時你可以係度招兄弟應該唔少巴打幫手
仲有女家請親戚飲茶
佢屋企大就係佢屋企做

或者好多人咁租間酒店房做又得

其實大野就係呢幾樣

當然仲有摘日
最好雙方家長出黎食飯定左日子至搵酒樓酒店

而家大條道理唔請咁多人，租一晚酒店當出門
下午去註冊處幾舊水，出邊影下相，照收禮
酒就9up 之後補番，通常都無人再理

拿拿林呢排結婚啦，大條道理唔駛擺酒

你要做足全套就求婚(鑽戒，1卡上網買都5萬起跳)
擇日(搵d 19師傅又k幾)
Pre-wedding 影相 (1~3萬)
過大禮套裝 (求其，反正女方點都唔滿意)
禮金 (自己傾，幾萬走唔甩)
女方揀BigDay化妝，揀掛揀婚紗(有平有貴)
男方揀BigData禮服
BigData crew(影相+拍片 有平有貴)
律師證婚 (幾K)
證婚場地 (草地/教堂行禮)
擺酒場地 (酒店坐底最平都 12k 一圍，Lunch會平dd)
搵兄弟姐妹 (睇你幾多朋友，如果無都幾大鑊)
跟住擺酒又要諗請咩人

我身邊frd唔計回本，最平都用左30萬左右。

所以算鳩數啦如果女家唔介意，求其去律師樓簽個名咪算。留番d錢玩下好過。

我認為求婚鑽戒都要
十個港女起碼有九個都覺得要
之後求完婚就問對方想擺酒定點搞
佢話無所謂咪聲稱"不如簡簡單單簽個紙，兩家人食餐飯"
最後禮數既野要做足啦

記得問過4大長老既意願先

一個求婚鑽戒但平日唔會戴
結婚戒子反而要戴平D既
呢個真係諗唔明

有無咩野飾物會代替到求婚鑽戒

趁疫情未完大條道理細搞啦 蘇州過後冇艇搭

好睇對方咩人
有d 會日日戴出街
但我老婆一個月戴都係幾次 假期心情靚先戴
而且對戒都可以好貴

樓主諗下想大搞定細搞先啦
以下最普通大搞流程

1. 相方各自同家長講會結婚 打定底
2. 求婚
3. 決定結婚日子
4. 依照日子找酒店 安排影相 租婚紗 律師證婚等等
5. 忙到仆街 ： 利是 回禮 過大禮 中式餅 西式餅 酒 兄弟姊妹衫 四大長老衫 新居 試衫 花車 好撚多野
（去婚展做下功課）
6. 差唔多big day 前確定所有野順利
7. Big day

上面係大搞
你book 酒店時個經理會解答好多問題
開始左第一步就ok
就咁諗係諗唔到的