申請得多信用卡 會唔會影響信貸評級？

如題，申請得多信用卡 會唔會影響信貸評級？
手頭上有大約十張信用卡，但都係出黎做嘢後慢慢逐啲逐啲申請，唔係一次過apply

幾年嚟只係遲交過卡數一日 2次 打上去都有得waive
會唔會cut咁啲好啲？好驚影響信貸評級

沖張TU 睇睇

同一時間申請先會

你信用卡多但個個月準時找清條數
TU唔會差過得一張卡但還緊min pay甚至找唔到數嘅人

換個角度講
就係你TU好，銀行先會批咁多卡比你
唔會掉番轉因為你申請得多卡而影響TU，
除非你卡冚卡

只要唔係短時間內申請
平時又準時還清卡數嘅話其實唔太關事
至於多卡呢樣嘢
講真香港大把人周不時貪迎新去申請啲卡㗎啦
有十張八張喺身好平常

其實佢評分主要都係睇你個信貸額使用度
即係當你啲卡加埋有10萬limit
你每個月碌9萬
即係用咗9成limit
俾人覺得你用得個信貸額好盡
咁有可能評級就會低

但如果你10萬limit但每月碌得1萬用得個limit細
咁即係銀行信你嘅數大過你真係要借嘅數
即係表示你財務狀況健康
咁評級反而會好

40張以上
上次查都仲係A

符合資格申請信用卡又準時還清卡數咪高TU
高TU咪可以成功申請多幾張信用卡囉

咁簡單嘅概念都開post問

信用卡都申請唔到點改善tu?

可以由財仔卡入手

因乜青先搞到銀行信用卡都申唔到先
TU咩rate?

幾年前有個app check過好似H,果陣爭緊學資錢，年幾兩年前還晒，依家自顧又冇糧單，上次申請渣打reject了

果d洗唔洗糧單？定係mpf供款紀錄？

有就最好
冇都應該得，額細啲，
連c9都申請到

銀行叫人開信用卡, 但跟手又整低個客嘅TU
個客TU低左, 問銀行借錢又唔批, 開新信用卡又唔批
最後冇埋個客

降TU等如斷自己米路, 銀行先冇咁傻出張卡就降你TU