同時都唔代表今年冇其他game係俾下邊講既game好
排名按出既時序
1. Final fantasy 7 remake
原作係1997年面世
作為Final fantasy系列入面人氣極高既作品
FF7R由2015年公佈開始
令到一眾fans期待左5年
2017更加傳出因為唔滿意開發出既作品而重新製作
有唔少人擔心作品出黎之後會令長達廿多年既fans失望
直至2019 E3展等等遊戲展展出FF7R既遊戲畫面
以及部分行內人士對遊戲demo讚不絕口
令一眾fans更加期待
最後遊戲面世
雖然有部分人對劇情改變持有懷疑態度
甚至認為重製作品應忠於原作不應改變
但普遍都滿意遊戲作品無論係戰鬥 CG 同畫面既表現
2. The last of us part 2
The last of us 於 2013年首次發行
由於大受好評令佢係ps4 上再次以高清模組發行
遊戲當時嬴得無數獎項
所以於2014年決定為遊戲製作續作
經歷6年製作為大家帶黎左The last of us part 2
遊戲於發售前邀請大量媒體試玩遊戲
而各評審都為遊戲打出接近完美的分數
令fans們一度興奮至極點
最後遊戲發售後
反應兩極
一方面有fans認為遊戲為玩家帶黎反思同震撼
遊戲細節情度極高 敵人AI表現出色
另一方面則認為劇情極不合理和反感
認為為作品評分既媒體有造假之嫌
更表明永遠不會再支持遊戲廠商
同時遊戲加入大量LGBT既原素
加上製作人火爆既言論
一度令普遍玩家厭惡LGBT
最後更有LGBT團體出黎與製作人割席
遊戲實體版出現滯銷既情況
但發行商則否認有關說法
但一切風波都無礙The last of us part 2嬴得本年度game of the year
一度令眾多玩家認為獎項有失公信力
3. Cyberpunk 2077
Cyberpunk 2077由業內號稱最強既遊戲公司cdpr 打造
早於2012年遊戲已經進入商討階段 2015年正式開始研發
由於遊戲公司cdpr曾經推出巫師系列遊戲
巫師人氣之高除左有獲得多個遊戲獎項
更促使netflix為其製作電視劇
令遊戲公司cdpr擁有眾多fans
Cyberpunk 2077自公佈以來
有推出過數條trailer 展示遊戲概念 角色造型等
不少人被展示出黎既世界觀深深吸引
後來更加搵到巨星Keanu Reeves 作為遊戲既主角之一
一度令fans 期待萬分
遊戲係發售前經歷多次delay
但fans都表示對cdpr 有信心
直至遊戲發售後
遊戲成為本年度最暢銷既遊戲之一
但反應同樣兩極
有玩家認為遊戲畫面細膩 光影效果出色
戰鬥選擇和玩法多
而劇情則不過不失 偶有精彩時刻
但有部分平台在運行遊戲時會出現唔流暢既問題
而遊戲更加有唔少奇怪既bug
令人一度懷疑cdpr 開發時間是否不足
有玩家更指出遊戲內容同宣傳片段有所不同
遊戲公司更因而惹上官非
遊戲至今推出多次修正
但未令部分期待遊戲既玩家滿意
最後cdpr提出令玩家退款
亦指未來會不斷更新遊戲
