爲免大家 tl;dr，呢個 post 係想招募新一批義工
有興趣嘅各位可以到以下呢條 link 遞交申請
https://forms.gle/1M96G6xHH2tku4mJ8
而除左招募義工，亦想分享義工們呢一年既感想。
==============================
好記得舊年 1 月底，香港出現武漢肺炎輸入個案，短短幾日之間就累積近 600 單懷疑個案。香港人反應迅速，四圍張羅口罩、日用品等，我哋就喺農曆年間拿拿臨揼咗個簡單網站，一開始只有幾位義工，初時政府公布資料唔多，只有患者歲數、病況、入住醫院以及確診日期等，情況尚算容易處理。
直到 2 月 5 日，第一宗死亡個案出現，社區亦開始有感染群組，網站瀏覽量達另一高峰。 數量之所以大增，並非因為政府「仁慈地」公佈更多數據，而係確診個案急速上升，人手輸入速度已經跟唔上資料發放，所以由資料格式以致輸入模式，都需要統一，以提高效率。團隊亦開始招募更多人手，冀盼能夠趕在翌日清晨，就能夠將最新資料送到每位市民手中。
經歷咗 11 個半月抗疫時長，義工團隊固然謹守崗位，但原本第二批招募嘅義工亦開始各有各忙。不幸地，第三批義工加入後，隨着半年以黎嘅抗疫疲勞，以及斷斷續續嘅在家工作，逼使我地重新調整所投放嘅義工時間。同樣嘅事情，發生咗喺第四、五、六批義工身上。慢慢，團隊成員嘅流失，由最鼎盛嘅 45 人團隊，剩低唔夠 5 個人，每日不辭勞苦咁核對資料、輯錄病歷、翻譯⋯⋯
不過，義工都係人，而人總有犯錯嘅時候。即使我哋每打一粒字都有校對，但總少不免走漏眼。市民熱心回報資料錯漏同反映意見，除咗有時會有無形壓力外，亦都係網站每日不斷更新嘅原動力。特別想講，其實成個網站都係以政府公佈既資料製作而成，加上政府在年中後延遲公佈病人現況以及不再公佈住院資料，我地知道既同你知道既係一樣。雖然曾經有 admin 透過引用《公開資料守則》嘗試取得病人狀況及其他非個人私隱資料（例如出入院時間、入住醫院名稱等等），但輾轉間都需要經過幾個禮拜時間書信往來，所得資料已經過期無用。
義工「海豚」特別提到：
「經歷2019黑暗、2020武肺，磨練咗大家情感、修煉出信任，說太多加油，倒不如說共勉之」
「最深刻的事情，就係第三/第四波爆發時，我地義工團隊真係工作至凌晨，以確保輸入既資料無誤，等要睇既香港人第二日就可以睇到。-- by 義工「日日開心」
當慈雲山老人院伯伯離世時，我地都一樣替家人難過。因為對我們來說，患者都是我們所認知的香港人，不是只是一個數據。
到了第四波，見到大家都會自覺地將訊息傳送以及提醒身邊的人，我覺得呢個website 係真真正正地啟發左大家。」
Few things to sum up the year of the translation team:
a vocabulary of medical terms expanded well beyond ‘coughs’ and ‘fever’; enriched knowledge of housing estate names in every corner of our city; and a steadfast commitment in producing and disseminating accurate pandemic-related information to the public - in our case - specifically the English-speaking groups. Volunteering with the nCoV InfoSite means an opportunity to bring ourselves closer with the community, and we give lots of thanks to the supportive and energetic team of volunteers and our users!
近年半發生好多好多事，大家都攰啦...-- by 義工「Pizza」
希望大家平平安安，黎明早日來到，有一個可信既政府：有政府唔驚，身體健康，唔戴口罩 (不過年年有今日就唔好啦)
2020年對所有人嚟講都係難捱嘅一年，無人會知2021年世界會唔會變好，一切會唔會回到正常。迎接新一年，各位義工想同大家講：
「牆總有一天會倒下 我們迎接榮光 願榮光歸予所有手足」
「香港過去一年好艱難，我哋一齊走落去。」
「希望『康復香港』這一日會快點來到。」
wars.vote4.hk 全體仝人敬祝大家
身體健康 新年快樂
只希望大家身體健康，好人一生平安，等香港康復後，我哋一齊除罩相見
