有無長期需要日本ACG商品嘅人一齊集運慳運費？

日本好多商家都唔做國際運輸，只幫你寄到國內。想喺香港收貨就要搵轉運／集運公司。
我對galgame、同人誌、畫集有長期需求。
平時有得去日本直接帶，今年冇得去，用咗三四次集運。
自己搞運費比較高，3000日元左近，200幾港紙。

有無人想夾單？我2021一月份又有嘢要買，仲差三個位／三件包裹。
砌夠五件包裹，到時可以除返勻，日本到香港集運費每個人40-50蚊。到咗香港後加以再寄順豐，或者地鐵站交收。
有興趣嘅可以留言或者留低telegram。

我對galgame比較熟行。未買過正版又想入嘅，可以問我。

樓豬一定用D好貴既集運
好多平集運唔用

用正規嘅集運公司有保障，佢哋個倉會加足夠嘅減壓物料，承受到國際運輸。
有啲錢唔可以慳。如果game盒壓扁，書撞崩角就得不償失。

磅唔識計，日本用公斤/公克。
3000日元係按照我上次買，四合一包裹，3130g。

TENSO同樂一番呢D貴野我都有用過
唔好話正唔正規
而係試用左D平既集運之後
TENSO同樂一番除左個快字之外,EMS點可能唔快
我就真係講唔出同平集運有咩分別
同人誌,模型公仔,CD我都成日買
冇任何貨係運黎香港個陣壓親/受損/遺失
純粹分享下心得

不如講下你用邊間？
我對速度無乜要求，行海運。
主要係求穩。
一套正價galgame未稅8800/9800日元，計埋初回特典同稅上萬日元。如果整損真係好肉赤。

宜家用開buyandship,純粹佢有個提貨點近我
當然有其他公司啦,GOOGLE下唔難
一般件貨到左日本倉之後
過3-5日會到香港倉
高峰期試過成2個星期先到,例如一堆人買口罩個陣
到香港倉之後詳細既流程自己睇網站說明啦
另外,帶番頂頭盔先
件貨會唔會有事,我就覺得好睇發貨間鋪點包裝件貨
可能我好彩啦,買咁耐都冇事

去BUYANDSHIP官網計咗運費，3.1公斤送上門要200港紙，同我依家用嘅緊樂一番差唔多。
「我就覺得好睇發貨間鋪點包裝件貨」，睇蒞BUYANDSHIP包貨嘅方式同樂一番唔同？因為以我所見，件貨會唔會爛主要睇集運公司。
樂一番嘅做法係，件貨仲喺日本時，已將你買嘅所有貨包入同一箱。如果貨好多，可以自己揀分幾多箱。等送到屋企，收到嘅係一個完整嘅大箱，入面有晒所有貨。
我上次從四間唔同舖頭買，一共四個包裹，登入樂一番帳號合成一個箱出貨，運費JPY 2950。
BUYANDSHIP係咪等件貨到香港先合併包裹？

你用海運個計法實平啦...
呢間係飛機貨黎
到香港先合併
當你大方向覺得件貨係日本國內運輸到佢個倉個陣一定冇事
其實都唔洗再討論落去啦
一分錢一分貨
你自己個心都有個答案用邊間

海運真係太慢，我用ems
已經放喺個倉成個月仲要坐船慢慢搖咩

對速度無乜要求，如果慢啲有得平我會揀慢。
目前睇蒞，BUYANDSHIP個計法嘅優勢係成本下限低。
如果只買一本好薄嘅書，自提，運費先22蚊，比樂一番平好多。
當重量去到3公斤以上，就分別唔大。

等我有嘢急住要，而又無其他貨夾單，可以考慮下。

想知道收費同交期大概幾多？

EMS 發貨方式黎
最低收費好似1400YEN
樂一番都有EMS架
只要香港同日本郵政冇任何特別事故/飛機等問題
郵差2-3日送到你屋企

我記得頭500g 1400円
之後每100g加140円左右

Amazon JP 有直送先會買，運費用貴個種DHL送貨
冇就等旅行去日本買或 慳錢唔買

同人誌買開虎穴用buyandship 冇問題
5-6日到香港
虎穴寄貨慢
仲要等海運寄香港你都冇心機睇啦

Figure 有時amiami直送香港
多數都包得好好又唔洗硬食國內運+集運2邊錢
依家就信和買多
yen貴連埋運費好唔抵

如果3kg bns/樂一番差唔多價
可以早到點解要等咁慢

同埋buyandship 唔會拆盒
如果盒game出貨果陣已經傷咗
你寄去樂一番都唔會改變佢出貨已經傷咗嘅事實
有d日本集運會幫你開盒睇吓有冇傷先再寄俾你
當然收費又貴