有冇人知到底粟粉同生粉有咩分別？應該點用？

生粉
20%（直）比80%（支）
較硬身
透明度高
黏性強
有光澤

粟粉
27%（直）比73%（支）
較軟身
具有凝膠作用
可以降低麵粉筋度增加蛋糕鬆軟口感


木樹粉
17%（直）比83%（支）
又稱泰國生粉
便宜
帶彈性
冇味

澱粉可分為直鏈澱粉和支鏈澱粉，二者之間的比例會決定粉的特性，包含黏性、吸水度、加熱糊化的能力（即勾芡的效果）等，進而影響粉的用途。例如，支鏈澱粉比例相當高的糯米粉可做出麻糬和湯圓外皮的軟黏口感。直鏈結構影響凝膠強度，直鏈結構愈多凝膠力愈強，凝膠力即可凝結為啫喱狀，具彈性。而支鏈結構則影響黏度，支鏈結構愈多愈黏。
希望幫到大家

如果想知更加多有關於生粉同粟粉嘅分別可以睇下邊呢條片，可以更加清楚了解佢哋做出嚟嘅嘢食嘅分別有錢我會換過支好啲嘅咪㗎啦，對唔住要你傷耳
https://youtu.be/cM7DEybFQjw

如果鍾意煮嘢食嘅可以睇吓其他片
https://youtu.be/zNMSN0cZpOQ

都係唔明生粉同粟粉有咩分別

唔明邊方面？

無粟粉用生粉可唔可以

你講緊咩時候先？

如果係平時醃肉埋芡炸嘢就可以嘅，但如果你講緊蛋糕嗰陣時落粟粉可唔可以轉落生粉就唔得啦

將條片置頂先https://youtu.be/cM7DEybFQjw

幫啲汁打芡用咩粉的

咁麵粉呢？

咁整梳乎厘蛋糕無粟粉 唔可以落生粉咁 用低筋又得唔得

你想出到嚟外觀好睇啲就用生粉，因為生粉打嘅芡會比較透明同有光澤。但如果你覺得外觀冇乜所謂嘅話用粟粉都可以，但因為粟粉冇生粉咁有黏性，所以用粟粉打芡個份量會比生粉用得多啲

係

麵粉係西式一啲所以今次冇講到，今次主要講中式一啲嘅粉，如果有興趣知麵粉有咩特點可以再開多集講

正常整蛋糕都應該係要用低筋麵粉為主嘅，粟粉係個蛋糕入邊只係一個幫助嘅角色，幫個蛋糕降低麵粉筋度增加蛋糕鬆軟口感同幫助成形。所以如果你話整蛋糕冇粟粉都可以嘅

生粉原材料係咩？

因為網上d食譜都係用粟粉整梳乎厘蛋糕
又唔肯定屋企有無粟粉 驚買咗返去屋企又好少用黎炸野
咁我用低筋先

粟粉係咪生粉嘅一種?

生粉係咩做，點解有啲生粉寫住票米做，又有啲寫薯仔做?

薯仔，生粉等於薯仔澱粉

又唔會好少用嘅，如果你平時會煮下嘢都用得晒嘅，醃肉又可以、炸嘢又ok 、打芡又得。同埋你整蛋糕都唔會淨係用一次㗎，粟粉又可以擺唔怕過期

生粉係用薯仔做嘅。但其實生粉只係一個名，唔同地方唔同人都會有唔同理解，香港講嘅生粉多數都係指薯仔嘅澱粉 ，如果係粟米做嘅香港多數都係寫粟粉。最緊要睇返佢成份表寫用咩做啦