有冇人可以講下后翼棄兵好睇喺邊

之前見連登瘋狂吹奏，終於喺聖誕假期睇曬。
睇完一頭霧水，完全get唔到好睇既位喺邊。
雖然都知道競技類型既劇黎黎去去都係嗰啲，但係真心get唔到點解呢套會咁紅。
劇情真心一般般，睇完冇感受到有咩緊張位。
之前見啲人話睇到緊張到出手汗，但係就咁睇一集入面捉棋既内容可能得嗰15分鐘到，來來去去都係兩條友互啤。
明白通常呢啲都係主角屈曬機最尾一定贏，但係佢心態同實力既表現真係好怪，可以前一日同班尼捉快棋輸到心態爆炸，但係第二日又可以心態調整贏返，咁究竟之前咁執著輸左又做咩。但係明明之前一輸就崩潰之後同俄佬捉又輸到癲左。
就算唔提嗰啲女權左膠劇情，都會感覺成套好夾硬黎

劇情真心普通 但係場景同服裝設計好撚有feel

連登瘋狂吹奏 = 冇特別
呢個鐵律都唔知?

可能真係比呢啲説話影響，一開始抱住好大期望去睇...

好想知如果成套野性轉會點。如果個主角係男，每贏一條女就同佢上床，酗酒，啪藥。唔知仲會唔會咁紅

睇龍王工作室啦

講主角心態成長?
由酗酒、濫藥、單打獨鬥到戒甩酒藥癮、識俾人幫先贏到世界冠軍

同意樓上，幾鍾意個啲六十年代服裝設計

另外有幾幕特別有印象：
美國冠軍賽 個剪接同配樂
嗰種快節奏展示到Beth同Benny各自都超晒班、直入決賽

Beth發現Shaibel一直以嚟都有關注佢 情緒崩潰 後面有呼應返
Beth要啲記者報導返佢嘅恩師 令全世界都認識呢個棋手
仲有最後一幕，個俄佬應該係Shaibel演，Beth同佢捉棋又好似返返去細個初初捉棋咁

認真想問表現佢心路歷程既位係咩？唔係講估又駁故，自己覺得唯一可以感覺到佢有成長既位就得返佢最後一集佢倒左啲藥。

主要睇條女

有冇人可以講下后翼棄兵條女好睇喺邊

認同你上面講既劇情，不過老實講呢啲都唔足夠可以令呢套變神劇啦。唔會唔好睇但係真心吹大左

會即刻俾女權同左膠批鬥，然後台前幕後要道歉
或者直頭根本唔會開拍，係遞proposal 果刻已經俾電視台高層ban 咗

可能就係因爲我睇過棋魂，所以先覺得好普通

我都唔知總之成套幾日睇晒
女主角我係睇思裂時知
覺得佢樣幾特別又唔可以話靚
但見過一次你會好有印象

女主隻眼分勁開
威農個仔對眼勁埋
2個人最好打番衡佢

其實呢套劇都幾癲，一開始以為真人劇一定會貼地啲，點知仲誇張過啲王道漫畫

想屌

其實我覺得佢好似冇成長過咁
有一開波就話係天才 最後都好似係靠天姿贏到
所謂嘅嗰啲挫折好似真係冇乜表現到

啲鏡頭好靚喎 冇記錯好似係第三集講女主去拉斯維加斯
女主見返初戀情人嗰陣有個超級長嘅鏡頭 呢種級數嘅運鏡基本上連電影都少見