如果無咩事都唔好帶寵物睇景x動物醫療中心 ，A字獸醫人係幾nice但斷症麻麻，但啲做姑娘既好無責任心。
事源個時我岩岩新養左隻貓，養左1星期左右，成日覺得佢好似體溫高，咁就帶左佢去睇醫生，但第一次檢查既時候係話佢體溫正常咩事都無，打針要等養左2星期先可以打，咁我就放心曬以為隻貓無事，點知去到第2星期諗住去打針，已經話隻貓高燒，就咁照左x-ray+吊鹽水+開抗生素就叫我走。
過左幾日隻貓都仲係好高溫 （因為獸醫診所話手感溫度唔計 咁我特登買左溫度計日日幫隻貓量 ）。
咁我就再打過去景x講有呢個情況，佢地淨係話叫我覺得急既就自己出去搵其他診所睇，但問左好幾間都係話無醫療報告唔睇 （當然期間我係keep住要番工，隻貓既藥一日都要餵2/3轉，仲要keep住量體溫，又諗方法幫佢降下溫等佢舒服啲）（同埋無搵通宵獸醫診所 因為試過以前送隻貓仔去睇完 打完鹽水， 即時死左，我信唔過呢啲24小時診所）隻貓既情況會打去同姑娘講完，佢再問醫生，但試過打左過去講完無mark低 ，一係mark漏咗。
咁見隻貓都係發燒，我過幾日又就再打多次過去景x，佢地就話要再問下醫生先，問完醫生都已經係好晏，佢地話醫生唔得閒睇，但我想既可以叫姑娘幫佢吊鹽水，而我唔明醫生唔睇就咁吊鹽水有咩用，仲要話5點前要去到，我番緊工，咁我就睇下搵唔搵到人帶過去，但都係搵唔到人 咁就無去到，就再搵其他獸醫診所又係個幾句，無醫療報告唔會約時間。
然後到第2日，見隻貓開始胃口差左啲，咁等到十點即刻狂打電話想約睇醫生，個男護士係幾好，佢話呢個情況好危急，但今日full曬，就話幫我叫聽日同事留意下可唔可以俾我攝到位睇，叫我預第2朝10點左右聽電話。
咁我就等第2朝，有個姑娘打黎，問我隻貓咩情況，
我就照話隻貓發燒已經由上次打針持續到宜家，胃口差左 但都仲係會有食野同大小便都正常既，佢就問我咁仲睇唔睇醫生，我講左句，咁醫生覺得佢有無需要睇？ 佢就話但佢仲食到行到痾到喎，我就話係 我會再觀察下，佢就收左線，然後無再覆我電話。
我嬲嬲地就直接搵另一間獸醫問景x拎醫療報告 ，佢地幾日都未俾到份報告出黎，隻貓仔就愈黎愈差，最後忍唔住去景x到問，咁啱打俾我個姑娘有番工，就話個日我打俾你嘅，個日有醫生睇，但你自己話觀察住唔使睇醫生既，我即刻嬲到震
，第一我完全唔知個日有醫生睇，完全無人同我講過，第二我從來無講過話唔睇醫生，跟住佢啲語氣就極差，話我不負責任，上次話俾姑娘吊鹽水都無帶到隻貓黎 （而我唔明吊鹽水對我隻貓病情有咩幫助！）後尾理論左一段時間佢先話要等一個鐘先會俾到醫療報告，咁...隻貓咁既情況都無得唔等，我就照等 。最後去左另一間睇既時候已經太遲 ，個時醫生話要驗血 一驗完 話有冠狀病毒，但加埋肚有腹水，所以好肯定係傳染性腹膜炎，已經無藥救得番。
我第一次面對養貓會有呢啲病，所以醫生話咩就信，點知原來景x醫生都無做詳細檢查，啲藥又無用，我都係唔明唔睇醫生吊左鹽水點幫到腹膜炎？
我真係唔知仲有邊間獸醫係信得過...
個時晚晚瞓唔著教，番工又諗住隻貓唔搵親間間都話要等醫療報告金睇開個間檢查唔全面，護士又不負責任。
真係好心痛隻貓，宜家隻貓已經唔係到
，只有短短4個幾月既生命，仲要係生命完結前要受咁多既苦，第一間既抗生素，抗敏藥，第2間滴鼻抗生素，加多幾隻抗生素，後尾確診後愈黎愈差，啲藥完全無用，營養完全唔夠直情要force feed，睇到佢咁辛苦，個心真係唔好受。雖然只係同佢得一個月短短既時間相處，希望佢係短短既生命入面曾經有感覺到喜悅同幸福 。希望大家真係愛錫自己既寵物既一定要搵一間好既獸醫診所，姑娘既工作態度都好緊要！
永遠係我心入面
無病歷咪叫佢send，佢唔send咪追，追完都無最多咪當新症睇囉
