現年27歲的男子組合MIRROR成員陳卓賢（Ian）昨日爆出暗撻25歲港姐冠軍陳曉華（Hera），但陳曉華同時與舊愛狄以達來往，狄以達忽然清空IG，令三角關係更添撲朔迷離。
既是排球健將兼唱得的「魚仔」Ian，感情關係更加複雜，一夜間遭多名「知情人士」輪流爆料，指他食女無數，堪稱新一代「女神收割機」。《蘋果》今日收到一名自稱PA的工作人員爆料，指Ian現任女友盧慧敏（Amy Lo），昨日獲安排在《男排女將》結局中特別出場，該工作人員稱拍攝時候曾親眼見雙方打情罵俏：「佢哋為對方揼骨、餵嘢食，break time兩個自己行開傾偈，要成棚人等佢哋。」Amy是一名墨西哥混血兒，擁有177cm身高，是余文樂御用的模特兒，去年傳與《破風》演員朱鑑然撻着，當時朱鑑然未有否認，只稱「了解中。」
劇中「女友」余潔滢劃清界線
在《男排女將》中，飾演Ian女朋友「安安」余潔滢，則成為其「3號」真命天女，有報道指二人戲假情真，在劇組也是公開秘密云云。余潔滢今日回覆《蘋果》謂：「其實我同Ian真係工作上面認識，喺現實生活中唔係好熟，亦冇乜傾偈，甚至連電話號碼都冇，只在《男排女將》係一對情侶，唔知係咪觀眾有啲咩誤會，但我同佢真係唔係咁熟咋。」
Ian曾與蘇皓兒IG互動
而Ian亦被翻舊情，有傳他在參加《全民造星》後期，與ViuTV一姐陳俞希（Hailey）過從甚密；成為偶像後，傳他暗撻演員蘇皓兒（Chole），二人不時在IG互動，但被眼利網民發現後，才火速互刪Like，相當低調。另外，有人開空account在IG留言，稱睇唔過眼Ian向外稱沒有拍拖，但多年來不停出賤招媾女，聲稱公司不准出街約會，要求對方上他家中過夜，又指Ian最叻扮無辜，公開「真相」只是不想再有女仔上當，叫花姐好好教下契仔，但其他網民覺得證據不足，屬無理指控。
對於昨晚《男排女將》結局忽然加插Amy Lo，是因為她是陳卓賢Ian真命女友身份，《蘋果》今日聯絡《男排女將》監製之一陳淑賢了解，陳淑賢哈哈大笑否認：「完全唔關事，九唔搭八，我哋只想最尾換個女仔落嚟，代表夢想無界限，連女仔都想嚟。個女仔係我哋自己揀，唔關Ian事，只係面試時覺得個女仔好靚，所以揀咗佢。」問Ian是否與Amy Lo拍拖， 有傳二人拍攝時打情駡俏，陳淑賢說：「拍拖真係冇聽過，我都唔知佢哋本身識唔識，個女仔拍咗一日戲之嘛，Ian開工時好專心，多數自己匿埋一邊，又或者同佢隊友傾偈之嘛。」
