GK/雕像討論區

分享雕像（或GK）嘅資訊同開箱，
同埋多個地方比大家討論下。
希望大家買到心頭好/成功入坑

——

相信香港地好多人都對GK一知半解，
到底有無版權？

其實有好多工作室都有開訂同搵廠整GK賣。
大部分係都無版權，質素就要視乎工作室。
有版權既唔算多，
因為就算同一套漫畫版權都有細分，
同埋要不斷續約，而且價錢不非。

我亦都聽過好多師兄話GK不外如是，原來佢地係睇完信和用膠盒包裝既大膠「GK」，其實個啲完全唔係GK，最多叫「假景品」。

不過而家現時點同信和多左啲公仔機，SHOW返啲真GK出黎，相信有見過既師兄都會睇得出有名既工作室同真既GK真係靚到一個點。

當你想訂某款，但又心大心細，可以黎問下大家意見。
（不過請上圖）

當你買左新款，除左自己開箱開心（或者不幸中伏好嬲），可以黎分享一下。

其實「GK」主要係白模，
而家開訂個啲應該稱之為
「雕像」

亦都有人形容有版權嘅叫雕像；
無版權嘅叫GK。
（呢個應該係而家最普遍最易明嘅講法）

講起版權，希望大家尊重下知識產權。
有版權最主要就涉及金錢，
閣下唔買唔係問題。
但請尊重有版權嘅工作室同堅持買版權嘅收藏家。

好多工作室百花齊放，有好有唔好，
好就有良性競爭；唔好就侵犯緊版權，
同埋好易中伏或者呃錢。
有啲工作室官圖無限好，大貨係篤屎。
所以最好問下/做下research先買。

問野記住上圖
問野記住上圖
問野記住上圖

—

以下會有啲簡單Q&A，歡迎有問題再問，
未必識答，但識答一定答。

1）講左咁耐，邊啲工作室有版權？
日漫就主要Tsume、開天、RYU、UA、鐵風箏、集美、Oc
美漫就主要Prime 1，XM，Sideshow
等等

2）邊到可以買到/訂到？
現貨就要問下代理，有時某啲款會有少量現貨
或者上Facebook d 二手Group徵。

由於涉及版權，灰色地帶，唔會有鋪頭明碼實價擺現貨賣（海關有機會搞）
有錯請指出。
-
訂嘅話請搵比較出名嘅大代理，
近排聽唔少騙案，唔好貪平個少少。
我只係訂過龍珠gk toys同專業gk，
兩間都好滿意。
另外香港gk都係比較大嘅代理。
其餘代理信唔信得過可以問下其他師兄，
我就答你唔到
某寶最好搵啲大店，龍珠Home、小智、猴子、萌布歐等。

另外如果想係gk zone hk訂野之前做少少資料搜集再決定訂唔訂。

3）香港訂 / 轉單 嘅流程係點？
訂：搵間信得過嘅代理，
比訂金代理>等工作室整>準備出貨>補款>速遞到付
-
轉單：同賣家傾好價錢，最好開個WhatsApp group，代理+買賣家，講明轉單，
到時準備出貨>補款>速遞到付

4）土地問題，啲盒掉唔掉好？
隻雕唔係好貴，或收藏價值高嘅話，啡盒就唔建議留（衞生問題）；
彩盒就最好留，除非你肯定自己唔會搬屋/唔會賣/唔會移民，或者好瀟灑平賣都無所謂，否則無盒你要將隻野帶離屋企都幾困難。
但有啲盒成個洗衣機咁大，所以我自己就租倉擺盒，全部都有留盒。

5）買返黎爛左點算？
新買嘅就算無位拆出黎擺，都最好拆開檢查下
（除非一心轉賣，有人追求全新未拆），
發現有損，即刻通知代理同工作室講，通常售後都會寄返補件比你，由於香港寄返廠唔平，佢未必要你寄返爛件比佢。
-
二手買嘅照問下代理，太耐無得售後就只能夠課金搵手藝人修復。
唔想課金就自己買啲混合膠痴下，最緊要過到自己個關。

6）閒閒地都一二千，大舊啲就三四千，
我買返十零廿隻景品或者一番賞唔好？

當然閣下有自己嘅選擇權，
我只能夠以過來人嘅經驗同你講：
當你開始買GK甚至雕像，會發現完全係唔同層次，
就會慢慢覺得景品買黎只會阻掟。
我間唔中都會買返一兩隻景品，
但對景品嘅需求愈黎愈細，
只會諗留返啲錢買雕或者點樣可以擺多幾隻。

當然閣下有錢有位嘅話，WHY NOT BOTH？

7）咩係翻模？

有啲工作室專做翻模

例如古羅、Tf toys、mon、鼠先生

即係將啲有版權/炒起左既款，照炒照做多批黎賣，但價錢平一半甚至1/3。
簡單黎講即係A貨。質素就見人見智，但有啲的確幾可亂真
有啲人會睇唔起翻模；有啲人會認為自己收藏無乜所謂。
即係你想買隻撈，但又覺得貴，最後買隻A貨。
有無問題就視乎你自己價值觀。
但香港地gk市場已經算細，翻模嘅二手市場仲細。
其次翻模造工/材料一定由於成本問題而用啲平野，
自己衡量買唔買得過。

比啲實物圖大家參考下

為左大家有個舒適啲嘅分享地方同遠離facebook
開左個mewe玩具page比大家/cd rom分享開箱

https://mewe.com/join-front/toysharing

避免大愛左膠同藍絲，答三條簡單問題就可以入谷。
寧缺毋濫，答岩先會批。

想買隻炎柱 邊間工作室好？

鬼滅gk so far都垃圾
要黎厄新手fans 而已

呢句值得貼堂
除左簡刻個隻疑似幾好外

無一款值得高追

千與千尋嗰隻睇落幾靚
但係唔識間studio 有冇ching買過

同意
想屌
但間野唔知咩料

QS淘寶有官店同埋QS官網訂有啲直寄香港架，上官網睇下

呢款佢官網唔寄香港
淘仔就寫左截單了

又唔一定要官店 售後咪一樣搵代理然後佢比個地址你寄返去 你照可以要求佢寄落黎 反正都係工廠同你搞實肯

好 唔該巴打
可能會同怡_淘仔買 掙扎多陣先

奉勸各位無咩事都唔好訂GK Zone，一來出貨慢，二來佢明明講話兩個月之後，都未出貨係可以退錢(之前係試過1次即問即退)。唔知係咪太多人都要求退錢，啱啱再同佢講話要退錢，佢同我講話要跟程序。要等間野退咗錢俾佢，佢先肯再退錢俾我。間野唔退就要我繼續等到2046。就算退到，仲要寫支票要我親自去拎，仲要唔係還齊數，扣手續費及匯率費真係痴撚線。一啲承擔都無，好似覺得做生意實賺硬，唔肯退錢比客先。

問佢個程序要幾耐先退到，佢都係比唔到過期我，成日話會盡量快處理。

55蚊去小額告佢

開放討論
仲有無其他苦主

補圖

我喺gk zone訂咗簡刻炭治，
見到啲過住post都唔對路，所以fb msg佢問咩情況，
大約都係話以前佢係二級代理，家下唔係，乜乜柒柒之類。
希望大家有簡刻炭治補款同到貨嗰陣，可以喺度講聲
到時我包膠下

暫時gk zone睇到有幾點
1.補款後，熱門款勁耐都未有貨。(官方回應:慢係因為二級代理排得後，家下嘅訂單會快啲)
2.勁耐都未到貨，申請退款就語言藝術，拖得就拖。
3.TPA蝴蝶忍，先寄到佢間公司拆檢，而非直接寄買家。(官方回應:大約就係工作室冇保價，損壞率高，所以只有依款定其他TPA 產品先會咁做，之後唔會代理TPA產品)

不過暫時未見到最終有人收唔到貨

歡迎大家報料補充或提岀錯處

賣 Tsume Vegeta 比達 1/4 正版 連啡盒。
https://t.me/xyzthc

奉勸各位無咩事都唔好訂GK Zone，一來出貨慢，二來佢明明講話兩個月之後，都未出貨係可以退錢(之前係試過1次即問即退)。唔知係咪太多人都要求退錢，啱啱再同佢講話要退錢，佢同我講話要跟程序。要等間野退咗錢俾佢，佢先肯再退錢俾我。間野唔退就要我繼續等到2046。就算退到，仲要寫支票要我親自去拎，仲要唔係還齊數，扣手續費及匯率費真係痴撚線。一啲承擔都無，好似覺得做生意實賺硬，唔肯退錢比客先。

問佢個程序要幾耐先退到，佢都係比唔到過期我，成日話會盡量快處理。

55蚊去小額告佢

開放討論
仲有無其他苦主

我喺gk zone訂咗簡刻炭治，
見到啲過住post都唔對路，所以fb msg佢問咩情況，
大約都係話以前佢係二級代理，家下唔係，乜乜柒柒之類。
希望大家有簡刻炭治補款同到貨嗰陣，可以喺度講聲
到時我包膠下

暫時gk zone睇到有幾點
1.補款後，熱門款勁耐都未有貨。(官方回應:慢係因為二級代理排得後，家下嘅訂單會快啲)
2.勁耐都未到貨，申請退款就語言藝術，拖得就拖。
3.TPA蝴蝶忍，先寄到佢間公司拆檢，而非直接寄買家。(官方回應:大約就係工作室冇保價，損壞率高，所以只有依款定其他TPA 產品先會咁做，之後唔會代理TPA產品)

不過暫時未見到最終有人收唔到貨

歡迎大家報料補充或提岀錯處

有無師兄係其他代理遇到相同問題

不過暫時無人被cut單都還好，
有機會真係二級代理，訂量唔多，
所以廠個到唔派佢啲貨住

不過大家唔好唔誤會
gk zone 同gk zone hk係兩間嘢嚟

LM先

幾時有箱開

lm

等緊簡刻隻胡蝶
仲有隻沖涼布歐未去拎

各位師兄 請問你哋會係邊度放Gk 同埋點樣睇市值㗎