租者置其屋業主問題

我同我媽咪準備買公屋，因為媽咪係公屋既業主，而佢之後可能會同佢有個仔既男朋友結婚，唔想分一半比佢男朋友，所以想係買既時候間屋比我做業主，而佢就除名，唔入住戶名。除左首期之外，間屋既錢都會係我自己比，想問下係買個陣可唔可以填我係業主，而我媽直接唔落名？

1:買完之後先放棄1/2 業權 但要俾多次錢律師樓轉名

2:去房署問轉屋主 得唔得 之後先買

無知一問 仲有得買公屋咩？

首先你係咪戶籍入邊既成員之一先？
如果唔係既話，就只可以用返媽咪名！
如果係，咁你係絕對可以做業主而剔除阿媽名再叫佢排公屋（合資格嘅話）

巴打，不是條條邨都有得買，要住正係嗰啲邨先得

只要你公屋有名，買樓既時候就可以落你自己名
唔一定用番你媽果名

利伸 過來人
但前提公屋未買之前你係有名先得
冇就冇計

可以 買個陣有表填 可以唔落佢名

唔得，一定要户主做其中一個業主

本身住戶證有你名就可以用你名買

正解
買左後媽咪可以以成員身份居住，即使以後佢結婚/生仔都只會係加居住成員（其實買左無人會理你加唔加名）

你老母拎左你個名黎買
你就有物業
再買就要比十幾%印花稅
變相永遠都要同老母住

同埋 買居屋好過啦
比你買得既公屋都有番咁上下年紀
到時所有維修費都要你自己比

如果你用個綠表黎抽長者核心家庭抽新居屋就係

我都啱啱買左，老豆老母係戶主先可以落名是但一個都得，你擔心嘅叫你老母立張平安紙寫層樓歸你

租者置其屋幾十萬咋

你啱
購買人的家庭入息、成員人數及自置物業狀況均無限制，但須符合下列條件︰

購買人及其家庭成員必須是房委會轄下出租屋邨的認可住客。購買人可以是戶主或其他認可住客。在購買人購得本計劃的單位後，該單位的租約會自動終止﹔
購買人及其租約上的認可住客均應填報在同一份認購申請書內﹔
認購申請書必須經由現居屋邨的屋邨辦事處核證﹔
購買人必須年滿18歲﹔
購買人及其租約上的認可住客並沒有違反現居公屋租約上的任何條款﹔
在房委會的「屋邨管理扣分制」政策下，若購買人或家庭成員被扣分，而且房委會就該物業已發出遷出通知書終止有關租約，則即使承租人已就終止租約提出上訴，該認購申請書將不會被接納。購買人可獲全數退還意向金，但不計任何利息﹔
購買人及各認可住客的配偶須填報於同一份認購申請書內，但如他們已合法仳離或沒有香港入境權則屬例外 (戶籍加減手續要依現行的規例辦理)。

如果間公屋係係 租者置其屋計劃 入面既話就會有，頭兩年買會有唔同折扣。

因為優惠期到下年就完，而媽咪同佢男朋友傾緊下年結。 雖然我都想買居屋，但係岩畢業無咁多錢買到，所以想快快手手買左佢。

我有名，thx

巴打講既情況我都有諗過，不過情勢緊迫，就想買左先

仲諗緊

諗下就爽，我同我媽排公都係排左六年先有。佢之後會同佢男朋友同埋佢個仔一齊排，一齊住，無我份

好奇一問, 再婚後你阿媽仲會唔會再生BB ?

唔會啦，差唔多五十