北區大埔獸醫

剛接1隻小貓回家，想幫佢做身體檢查、打針等等。
想問下大埔同北區附近邊間獸醫比較好？

我搵左幾間好似負評比較少既：

-大埔普益
-粉嶺和泰
-北區獸醫診所

但都係唔知點揀

去過北區, 朋友介紹, 跨區咁睇
覺得好好

普益 區醫生

普益 區醫生，但佢booking幾full
仁德聽講都ok，但我未試過

見到仁懷負皮好多
普益好似話唔做檢同打針？


睇緊懷仁 覺得ok
request過想幫細隻狗做全身檢查，姑娘都會畀意見話咁細個可以唔洗，唔會話為賺錢做啲無需要嘅野
醫生都幾細心解釋
費錢比較唔到其他 但覺得都合理 唔會開天殺價

普益區醫生好好
不過佢唔做打針、絕育 同埋比較難book

之前睇開普益，book唔到區醫生，余醫生heahea地
轉咗去和泰鄭醫生，幾細心

樓主千祈唔好去仁德
其中一個女獸醫（最出名嗰個）手法極粗暴
嚇到我隻貓神經出問題
之後搵咗幾個醫生花大半年好彩醫得返
個獸醫之前已經俾獸醫管理局刊憲話佢專業失當醫療疏忽
你上網打仁德就會見到好多
自己個仔受過害真心唔想有人再去佢度

普益嘅話得區醫生信得過
其他嗰兩個都係廢
但其實區醫生都係Hea Hea地

仁德真係好似好多負評
講到個度啲醫生好輕易就勸人要啲寵物安樂死咁
錢都係其次，傷害左隻貓既身心靈真係難以彌補

想問點樣好法？

醫生願意解釋好重要呢。新手咩都唔識，惡既話唔敢問咁多野

新手表示認同

男個嗰郝醫生同啲姑娘幾nice，問嘢佢地都唔會話好唔耐煩
所以狗仔有事都係去呢度睇

北區個陳齊禮醫生我睇過，幾好人，但好多人排
同埋食完藥有問題，啲護士都肯收影片幫你免費問其他醫生
Btw唔太熟獸醫，都係問多啲人好啲

收費平, 隻貓要做手術
朋友果隻係荃灣享和做近兩萬, 北區收一萬內 (強調: 享和都係一間好好既獸醫)

第一次見面, 除左手術細節仲問左d 行為問題
到做手術果次醫生會問返

手術後, 醫院會打電話問返情況

個人就好滿意

所以上黎問
依家都係做下基本檢查、打下針 試下好唔好先

感謝