日常料理 Mainichi
12月13日 18:37
《日常料理》由運動到疫情,一直走來絕不容易,當中經歷高低起伏,辛酸血汗,艱辛同苦樂,得到大家嘅支持將一個不可能嘅樓上餐廳變成可能!
一直堅持營運至今,有如大家對光時五缺嘅決心一樣,毋忘初心,堅持到底!
面對各種形式嘅打壓同攻擊,本店從不畏懼!
面對一次又一次嘅疫情來襲,即使1蚊抗疫基金都無收到,我哋依然咬緊牙關逐一衝破!
因為我哋相信做緊對嘅事,大家睇到同支持我哋!
過去1個月十分感激各區團購街坊與Admin幫忙得以令小店於11月改善虧損情況,當眼見店舖於於12月有望重回正軌之際卻無諗到遇上如此黑暗及卑劣嘅手法去逼使我哋退場,使《日常料理》同《被結業》劃上等號……
當日收到無情通知,原因強詞奪理,當刻萬分憤怒,眼見員工之間徬徨無助嘅眼神,深感悲憤……
過去7日收到好多 IG/FACEBOOK/WhatsApp打氣鼓勵嘅訊息同留言,我哋全部都睇到收到晒🙌謝謝大家🙏💛
好多人問新舖會係邊?搬去邊到?其實我哋係毫無準備同計劃下突然被結業,恕我哋小店無呢筆儲備資金即時去開舖……眾所周知12月乃餐飲業嘅旺季,呢1刻要搵到合適舖位難過登天
亦有人同我哋講疫情下捱得辛苦就當抖下休息下……但抖完之後呢?我哋無得開返……
開餐廳最高成本係裝修廚房廳面,設備廚具等……7日內逼遷等同於我哋無機會放盤頂手比其他人變賣資產保留實力,所以我哋亦係血本無歸…
而且員工中不只我1人…
有放棄其他工作機會一齊打拼!
有因為正職行業無間斷被正苦停業而急需要一份工作收入!
有離開藍店集團,為咗尋求一個政治理念及價值觀相符嘅工作空間而到日常工作!
更有放棄另一黃公司選擇留低打拼!
9位員工(5全職4兼職)頓失經濟之柱,叫佢哋點樣休息?聖誕點樣快樂?
背負著眾多員工及其背後家庭嘅期望以及同路人對日常一路嘅支持,但我卻未能好好守護日常料理,實在好對唔住大家……
知道好多支持者同我一樣都好擔心員工嘅生計,作為營運者於收到被結業消息當日,已向員工作出承諾,12月份嘅人工不變!
特別鳴謝以下同路人幫忙,深深感受到💛黃圈有愛,一方有難,八方支援,排名不分先後
旺囍車仔麵
Wash Story 洗碗奇兵社會企業有限公司
OTTO Optic傲瞳視力
壹碗壹碟
焰手卷
燒邦海鮮私房菜
八寶清湯腩
陪著你走甜品Stand by you dessert
希望大家應承我哋此舖位永不幫襯,任何店舖租用都係助長打壓,大家要繼續關注我哋,我哋只係暫別但永不退場,Be Water ! 會諗方法同大家見面!大家請繼續支持我哋捱過呢個寒冬!💛🖐️☝️
2020-12-13