一人一個成功同EX復合的故事

我本身都係公屋仔，佢都同左我捱好多年，我都明呢啲年紀女人想泊個好碼頭試左再算啦

巴打加油

發少陣夢啦

將來唔一定係錢
佢自己都講佢無花心機維繫關係
自自然然耐左個女仔會諗唔通一世都要同個咁唔重視自己既人過人世
覺得咁樣唔會有幸福 自己都想被人愛錫 被人重視
再耐啲就會心淡同睇唔到未來
利申：經歷緊

我個friend個老婆俾過綠帽佢戴，大家分咗手一年，最尾我個friend自己犯賤躝反去搵佢，結埋婚，仲要啱啱有咗。而家我friend日日問如果出世個仔唔似自己咁點算。

你都唔係男人

冇錯，犯賤既係我，除左脫胎換骨之外我冇其他想法

絲打你另一半都好似我咁?

Good End 咪得囉

唔係另一半
個ex話想試下相處
相處到就復合番
但係佢根本就係放置緊段關係
去邊到都無交帶 一到夜晚就消失
完全唔比安全感 一堆問題
由當初我好有心 好想同佢復合 好想同佢行一世
到依家人地問我同佢結婚我肯唔肯都會猶豫

係，我覺得要雙方都有心先有得諗，一邊想復合，一邊想拖，其實都係晒時間

睇耐少少先啦，可能佢慢熱，比D時間大家，但假若最後你仍然感受唔到佢係有feel既，就冇辦法了

而家既我其實都好好奇佢每日做緊咩，星期六日會唔會有約，但我忍手，想過多幾星期，甚至忍到半年後先，唔想比佢覺得我煩

復合on9先做

我比左個限期大家下年二月決定做陌生人定一齊番
我諗佢都係會選擇繼續拖
而如果係咁既話我一定會斷

我成日都同佢講 佢無心一齊唔係愛我唔好死拖難拖
佢又話唔係 係唔想一齊番發現相處唔到再散
話驚受傷
雖然依家既我的確接受唔到佢做過既野
但係依家唔上唔落好煩

師兄你要加油呀
如果佢仲愛你 純粹睇唔到未來都仲有得救
如果真係好似我咁心都慢慢死埋就無嫁啦

講真，我叫佢等我半年，佢都只係話盡量等啦，我知佢想試下放低，但我唔想用一個過去既自己去同佢結束，我唔知你明唔明我講咩，最好既我未出現，但我因為懶、耽誤左，導致分手，口口聲聲話愛佢會錫佢話會娶佢。講到呢度都覺得自己係一個仆街，所以我要用盡一切方法去補救。

心死，佢都可能會，要一個女人重新相信令佢多次失望既男人並唔容易。要真係比佢知道你有改變，先會有轉機

唉
如果我個個好似你咁諗得咁透就好
佢踢一腳先郁一下其實我都好攰
佢講就講到 對我既鐘意夠行一世
但係細節位真係做得差左啲
變到幾鐘意都睇唔到未來
佢見到你改變就好大機會嫁啦
仲會好感動 加油呀

我以前就係衰呢樣，踢一腳先識郁，甚至踢完都唔郁，唔係佢點會搞到咁既地步，呢次我應承自己要係最後一次，成功比佢睇我肯為佢改變，履行我對佢既承諾絲打我希望你個EX都可以盡早諗通諗透，對你，對佢既將來都係好事