女朋友會對你亂發脾氣=唔係好愛你

就當對方唔成熟或者太嬲對方講左傷害佢嘅說話而講分手，但明知道佢係一時之氣或者其他因素影響，之後用盡方法氹返你。其實講嘅人相信都好傷心先至會咁講，佢根本唔會想分手，一早認為雙方認定雙方，咩都俾曬對方，講呢啲都係一時之氣

唔係 係你遇到個質素差既男人

我因為信任你就打你又得唔得，我自己人先打炸，外人我就好有禮貌

係咪都覺得分手主因係佢已經淡左，想識新女朋友。

完全明白雙方發脾氣係令對方好攰。但個女仔真係好愛個男仔，就算攰都唔會真分手，真係好信任對方以為可以去到一生一世，所以講一時之氣說話。點知個男仔極速有新戀情，究竟算係啲乜嘢

當然佢避唔傾可以有好多原因
可能佢唔想煩
可能佢覺得傾黎都無用
可能佢淡左
可能佢根本唔上你心
.
.
.

你仲留戀既 咪試下諗下睇下解唔解得通

客觀講 都係睇頻率同埋內容係咪無圜轉既姐

情緒宣洩係需要既

內容有得轉，係個男仔覺得冇得轉，直接搵另一個，公司同事仲喺度傷心緊，日日返工冇黎神氣。
或者你講得啱個男仔根本冇愛過個女仔，冇上過心。
如果真係愛過點解一次機會都唔比對方。

內容有得轉，係個男仔覺得冇得轉

溝通方式真係好重要 人際關係處理好高深架

你係絲？

講真啦個女仔都好卑微咁樣去求佢
係個男仔好絕情 聽都唔聽佢講 聽完都係拒絕

我只係想問一樣野
我緊張佢係咪一定要發牌氣先表達到出黎？
如果係 我建議你去睇睇精神科 可能有潛在情緒病
定係緊張一個人 一定要做發牌氣呢個動作先令人感受到？
你有你原因 你可以選擇冷靜地講
情緒都管理唔好 你係覺得被人發牌氣果個唔Hurt?

即係人哋topic講緊亂發脾氣，然後你話你畀人無視咗。咁其實你個發脾氣就已經唔太算係亂發脾氣。 而且呢發脾氣有原因唔代表人哋個情況同你一樣。 睇嘢偏到，一下就講“你哋”。 唔該你對題少少。

同埋另外一個問題係你畀人氹完覺得冇事，然後人哋避開你，就覺得有事。即係你判斷成件事有冇問題完全係出於你自己舒唔舒服，你自己有事就係男仔責任叫佢 take care你，但係人哋嘅感受又唔見得你有能力照顧到。 如果你已經喺男仔心目中建立咗一種無理取鬧嘅形象，人哋本身冇做乜嘢你已經唔開心，人哋畀意見你仲得了？邊敢同你傾呀？

即係相比起心平氣和嘅溝通態度，你選擇雙方意見唔一樣嘅時候，展現你嘅威勢／發脾氣。咁人哋咪取而代之唔同你傾囉，求仁得仁。即係你“愛”嘅方式唔係佢接受嘅嗰隻。冇乜必要係咁塞埋一啲人哋唔要嘅嘢仲要人哋感恩戴德。

and你其中一個要留意嘅位係，你睇野比較主觀。你以為大家睇緊同一樣嘢，但其實唔係。因此首先今日傾計，你唔對topic。然後之前你相處嘅時候又會出現估計錯誤。

係性格議題，性格冇對與錯，但麻煩鍾意發脾氣嗰啲，match返都係鍾意發脾氣嗰type，咁你地先會互相了解

一個成年人, 成熟既人,
能夠管理自己情緒係社會大眾既合理期望.

然而女人成日會話自己成熟過男人
去到呢到又會狡辯話對住自己愛既人會變返小朋友

BTW ，對於大多數既女人，「愛」既意思就係「被愛」。

到你忍無可忍既地步 你可以選擇分手或者離婚
但雙方都無資格改變雙方
但你發人牌氣就一定你錯 人地出世無欠你