Sunnny SunMarket !! 世界級網購服務, 你值得擁有!

小弟喺Sunnny SunMarket 訂購經歷唔少, 睇番 email 紀錄, 早係2015年已經用佢哋網購, 一直都覺得好好用, 直到最近呢一次我真心屌左出嚟!

話說小弟經佢哋網購 TOMMY HILFGIER 裇衫, 10月23號就去自取點攞衫, 返到屋企滿心歡喜打開包裝一睇. 咦喂?! 件衫嘅顏色唔對路 wo! 我訂嘅係深藍色, 收到嘅係淺藍色. 咁問佢哋前先要check下自己有冇落錯order, 費事柒出銀河系, check 完 email, 自己冇落錯order就即刻 whatsapp 佢哋. 日子係10月23日.


Email 內文, 寫明係顏色 peacoat.


10月24日佢覆我話要 check check. 咁可能佢哋好忙啦, 我唯有10月28日再問下情況啦. 點知佢哋忙到都係冇理過我.


咁我唯有10月30日再問佢哋. 終於覆我話應該美國個邊寄錯左顏色呀,需要寄番去先做到換貨,但寄番美國嘅運費可能需要雙方負擔. 而運費係 300蚊. 我即刻諗如果真係美國個邊寄錯左顏色, 點解會係我負責呢? 甚至係你Sunnny SunMarket負責呢? 咁我建議佢問下美國個面會唔會因應呢個情況作出補償，而唔係我同佢承擔運費. 跟住去到11月4日我主動問下情況, 佢都係話要我同佢承擔運費. okay .... 咁我提出退貨退款啦




去到11月9號當然都係我啦, 都係我問佢哋有冇消息, 跟住11月10號 佢皇恩浩蕩咁話幫我問左公司唔可以退款, 但可以平一百蚊咁多! 大佬.... 唔係R你平俾我, 件衫都唔係我要嘅野, 點解要我格硬接受... 由11月10號 就完全冇覆過, 甚至連有冇其他方案都冇理過你! 你話咁優質嘅網購服務去邊到搵呢?



最後, 身為買家真係要小心, 賣家個面任何錯誤你都要硬食, 訂錯咪訂錯, 要退款? No way! 想我回覆你? No way! 諗一個對大家都公平嘅方案? No way!! 我都收左錢就啋你都傻
幾百蚊事少, 但佢個處理手法真係令我嘆為觀止, 所以大家網購前真係要諗清楚啦!

利申: 呢幾百蚊當我係最後一次幫襯呢間黃店, 就算佢而家話可以退貨退款都不了

負評嘅係sunnny員工？

團購唔係應該sunnny sunmarket喺美國出貨時已經檢查咗架啦咩

真係唔知佢點運作，只係知佢將個責任轉嫁到消費者身上

用得集運lee d服務都預左係咁 賣家寄錯無得退 or 退返去既運費好貴..

多謝巴打回覆呀。我都知運費好貴呀，但呢間公司勁在唯一建議係平你一百，要你接受一件你唔要嘅嘢，跟住你唔接受就完全無視你。個態度係錢已收，理閪得你

樓主好似唔係用緊集運
係用緊佢代購服務?
如果係代購 代購就有責任make sure到買家手嘅係正確產品

不過講真代購係有呢個風險 佢地啲terms一早戴哂頭盔 真係有機會官方寄錯貨既

都係差唔多既service lee d 唔係親身代購 只係幫你ship 件貨返香港or 幫你落埋單 佢地都唔會拆哂你d貨幫你對啦 就咁ship 返件貨過黎咋

#7 防絲講得啱，我係用緊代購服務。第一下係人哋俾錯野定佢自己落錯就得佢自己知啦 要求佢哋有責任make sure 買啱嘢可能對佢哋要求太高啦而件貨錯左，你又唔肯退貨退款，咁咪嘗試搵其他方法解決囉，而家佢最賤係理得你死，好似唔關佢事咁

呢間嘢5 6年前都臭曬名。。。

仆街有件3千幾蚊既貨用左佢地址
依家seller仲未出貨但冇得改

如果去郵局寄返去美國會平啲

原來咁出名... 可以講多少少嗎？

God bless you. 可能只有我係被選中嘅細路呢

多謝你嘅建議，比佢哋有用

得閒推一推，提醒大眾要小心

推一推！

推！！！！！！

係時候推一推啦