相信有唔少絲打有m痛問題
我自己極受m痛困擾
試過痛到call白車入院
每次第一日都極痛 只痛第一日
經過我長年累月觀察
經血多的時候會劇痛 經血少的時候無咁痛
形容一下痛成點
我係痛到返唔到學返唔到工要訓係張床
通常痛3-8個鐘
係呢幾個鐘入面 會痛到嘔
真係嘔吐 仲會痾
我有用熱水袋敷肚
仲要誇張到直接接觸皮膚
熱到出水泡 先舒緩少少
太痛既時候 我會打自己大脾
打到腫唒瘀唒 因為真係太痛 要分散痛楚既感覺
睇過婦科 照過唒驗過唒血
醫生都話無腫瘤
佢都只係開左啲止痛藥同避孕藥比我試
都係唔work
睇過中醫 已經戒凍飲至少6,7年
你話一滴都無飲就呃你
但九成九既大熱天時30度餐飲都仲嗌緊熱檸水
呢個問題好困擾
想各位教下我可以點改善