粵文一日用口字旁，粵語就一日係方言

【粵文一日用口字旁，粵語就一日係方言】

https://www.facebook.com/100970604906256/posts/192194382450544/?d=n



「一啲」、「呢啲」、「嗰啲」、「邊啲」、「啲野」、「快啲」、「少啲」、「呢啲」、「遲啲」、「 鬆啲」、「郁啲」、「一啲啲」、「住好啲」、「食好啲」，同「講呢啲」。

「啲」呢個詞，根據《粵典》，有兩個用途。第一個係解「少少」，通常放喺形容詞後面用嚟做比較。而第二個，就係表達複數，用作為一個不可數嘅量詞。唔難睇得出，呢個詞係一個具有重要語法地位嘅詞。

「啲」呢個字嘅結構，由「的」同「口」合併組成。「的」係聲旁，負責表聲，而個口字旁，就係意符，負責暗示或者指導個意思出黎。所以，「啲」係個形聲字。再嚴謹少少黎講，個口字旁所負嘅責，就係・扌文百・低話呢個詞係口語用詞，係廣東話，係口語。

呢種咁樣嘅「口語詞」喺粵文好多，但唔係粵文獨有，東北話書面語、大眾普通話、吳文都有唔少。但係天下間五花八門嘅「口語字」，喺佢哋所出現嘅文章，都有同一個隱性效應——就係佢無時無刻都竊竊私語緊喺度同讀者講：「呢篇文章所寫嘅語言，根本就係方言」。

「口語字」，佢自己嘅本質，就係要表達口語。佢嘅運作，就係攞唔係口語字嘅字，借黎標音。而為咗我哋可以輕易地睇得出佢淨係攞黎表音而唔要個字本身嘅含意，我哋就加個口字旁，加以強調，以資閱讀。姐係話，你咁樣做唔係用漢字嘅表意功能啦，你本身寫嘅嘢唔係正統雅言啦—雅言要寫出來，點可能要用埋呢啲咁嘅・力乍・止乍・同低莊手段嘅啫？齋睇一篇成篇都係口字旁嘅廣東話文章，同一篇全部都係正宗有晒甲骨文祖先嘅白話文，就知道邊一個份量深厚嘅古老雅言，邊一個係要借錢渡日嘅小方言啦。一篇文章，睇佢用嘅字，就可以知道邊一個係可以擔起文化大旗嘅嚴肅文學，邊一個係冇料扮四條兼玩玩下嘅方言文章。你嘅嗰啲「口字旁字」，個個都係用傳統漢字加個口字旁上去，仲唔係方言？乜你哋班野唔係心知肚明呢個原因，先至呃鬼去話「尐」先至係「啲」嘅正字咩？

聽到呢啲說話，我哋當然會好嬲。但係往往啲回應都係啲呃細路、經唔係深究、而且策略上其實懵盛盛煮重自己米嘅回應：比如啲咩「廣東話係唐宋雅言論」同咩「『攰』喺《說文》度有」嘅論調，同埋嗰啲本字考。講到尾，你咪仲係喺度「以華度己」？你哋想扮係中華正統，「咁噉呢嚟嘢咩哋嘅啦喇囉喎呀嘩啱㗎」一大咋亂七八糟嘅口字旁，呃得到邊個？今本就係太監扮皇帝。你就連個「啲」字呀，都係用官話嘅「的」作本位加個口字旁㗎咋。「的」字喺廣東話根本就唔係讀「大子〡（di 1）」，係你哋班嘢唔知頭唔知路，將中文裏面最為重要嘅介詞字不問自取，然之後加個口字旁就當自己乜乜七七，笑死人咩。「有音無字」，係方言嘅特徵。

思哲誠實嘅人唔會對呢番說話駁嘴，因為思哲誠實嘅人係會自己同自己講呢番說話——按照佢個範式黎思考，咁樣嘅結論就係必然。

而我哋要嘅，就係跳出呢個範式，要挑戰呢個範式，要拒絕呢個範式。

乜你忍受到「啲」呢個喺廣東話裏面有舉足輕重語法地位嘅詞以普通話嘅「的」加個口字旁嘅方式存在落去咩？乜你忍受到廣東話嘅書面語視覺上呈現住「我哋係普通話嘅變體」係信息咩？乜你忍受到漢字對廣東話喺書面上宣判為方言嘅呢種對待咩？乜你忍受到廣東話嘅「啲」以普通話嘅「的」加個口字旁就算？

如果我哋繼續口字旁落去，廣東話就永遠都只會係一隻文字上用漢字 B 隊嘅一種 B 系語言。佢永遠都會係排第二冇得當家作主，仲要永永遠遠以其他人去量度同定義自己，而唔可以自己定義自己。粵語喺呢一個咁樣嘅遊戲度，可能可以做到二房，至多可以做到正室。睇埋家下時局個樣，你做到二奶小三就應該・个`・力子・丩乜・大兮・劏豬還神喇，再唔係連妹仔都冇得你做，等死啦。

但係，我哋要嘅，唔係廣東話做正室。我哋要嘅，係廣東話自己當家作主，唔駛寄人籬下，唔駛睇人面色聽人說話。我哋要嘅，係廣東話好似日文韓文咁自己可以堂堂正正話自己就係語言。我哋要嘅，唔係要說服人嘅依據或者論調。我哋要嘅，係擺晒喺你面前，你冇得否認嘅事實。我哋要嘅，係一隻可以畀到我哋可以好似日語韓語咁唔會有人覺得呢隻語言只不過係中文方言嘅文字。我哋要嘅，係一隻會令到所有嘗試咁樣諗嘅人腦短路嘅文字。我哋要嘅，係一隻可以畀到廣東話尊嚴嘅文字。

粵語配有自己嘅文字，因為粵語應予有尊嚴。

約定俗成

粵語係方言抑或語言，比起文字係咪用口字邊，政治因素更為重要

以後甘寫米得羅
好吾好牙

好嘅一步。但係不夠系統化，不民主，無可伸延，無可預測。你再走一步，就會得出拼音嘅結論架喇

粵語配有自己嘅文字？十劃都未有一撇：
1. 多謝樓主嘅一番努力，但係你嗰幾篇嘢太長，too long didn’t read。
2. 香港100%嘅人已經識寫中文，兼且香港而家無乜文盲。所以呢，我哋多啲寫粤文就自然會約定俗成㗎啦，使乜用粵切字吖。
3. 中文博大精深，漢字表音亦表意。用粵切字咪無得表意囉，根本喺度自毀長城。
4. 漢字有既定嘅造字機制，用返六書嚟整返啲新嘅漢字咪得囉。無得創造漢字咪用假借或者英文字嚟頂住檔先，噉咪解決咗有音無字依個問題囉。
5. 無啦啦創造文字做乜唧，廣東話口語用中文字同英文字咪得囉。
6. 樓主唔識寫廣東話嘅正字同本字就咪喺度扮專家啦。就好似 ham baang laang=冚唪唥，kik lik kak lak=虢礫緙嘞， hea=迆，學識咗依啲正字就根本唔會有「有音無字」依個問題。
7. 粵語有九聲六調，齋用粵切字點得呀，啲同音字都搞唔掂。唔明我噏緊乜就去睇下韓國嘅「放水防水」事件啦。
8. 不了，粵切字有用殘體字 (e.g. 会)。
9. 粵切字咪又係拼音文字咋嘛，同注音符號/諺文/假名有乜分別唧，根本喺度重新發明車轆。
10. 我哋廣東話不嬲係用中文字寫㗎啦，中英夾雜咪用中文同英文寫咪得囉，使乜用粵切字唧。
11. 廣東話同漢字有千絲萬縷嘅關係，你想用粵切字嚟毀滅我哋幾千年文化嘅漢字文化？咪傻啦。
12. 香港以前係英國殖民地，所以廣東話嘅文字要去漢字化嘅話直接用拉丁字母(e.g. 耶魯粵拼)寫咪得囉。
13. 廣東話標準化？咪傻喇，冇政府同教育局幫手點會搞得掂呀
14. 個粵切字表咁多個符號，好難記喎。你睇下啲人連粵拼都學唔到，點會記得晒啲粵切字符號吖
15. 香港人不嬲都冇用拼音嚟學中文㗎啦，係靠有邊讀邊同埋死記㗎嘛，粵切字攞嚟托柒咩。
16. 既然粵切字係基於諺文，不如直接改下諺文啲字母咪得囉，根本冇需要創造新嘅文字系統。
17. 啲粵切字都唔靚，用返中文/諺文/港女文/注音符號好過啦。
18. 你粵字改革個宣言係用三及第寫嘅，都唔係粤文。你憑乜嘢用三及第嚟推廣粤文呀？
19. 樓主識唔識反切㗎，你嗰啲粵切字都冇跟足反切系統入面啲規則。
20. 「東」應該係德工切，而唔係德紅切。
21. 預期要粵文拼音化同拉丁化，不如直接寫英文好過啦。
22. 粵切字太似5P字喇，吾系甘牙？
23. 粵切字咪即係要用兩隻字嚟寫一個音節？噉咪好冇效率囉。
24. 你用粵切字嚟搞漢字拼音化同匪黨嗰啲簡體字同二簡字有咩分別，你根本喺度摧毀緊我哋自古以來繁體字嘅既定書寫文化。
25. 古語有云：「我朝自祖宗以來 至誠事大 一遵華制 今當同文同軌之時 創作粵文 有該觀聽 儻曰粵文 皆本古字非新字也 則字形雖倣古之篆文 用音合字盡反於古 實無所據 若流中國 或有非議者 豈不有愧於事大慕華」
26. 粵切字根本代替唔到漢字，你返去睇下日本同韓國嘅去漢字運動啦。日本同埋韓國某程度上重用緊漢字㗎。
27. 樓主想係香港搞五四運動？香港都冇文盲，搞乜鬼吖。
28. 香港連粵語拼音都未統一，幾時輪到粵語文字標準化吖。

另一種殘體

全面廢除口字部既造字

粵語配有自己󱝚文字？十劃都未有一撇：
1.多謝樓主󱝚一番努力，但係你󱟡幾篇󱖜太長， ’。
2.香港100%󱝚人已經識寫中文，兼且香港而家無乜文盲。所以󰳘，我󰥥多󰦠寫粤文就自然會約定俗成󱛓󰸐，使乜用粵切字󰀐。
3.中文博大精深，漢字表音亦表意。用粵切字󰖝無得表意󰼠，根本󱪙度自毀長城。
4.漢字有既定󱝚造字機制，用返六書󰺣整返󰦠新󱝚漢字󰖝得󰼠。無得創造漢字󰖝用假借或者英文字󰺣頂住檔先，󱜩󰖝解決󱃡有音無字依個問題󰼠。
5.無󰸐々創造文字做乜󱂘，廣東話口語用中文字同英文字󰖝得󰼠。
6.樓主󰀋識寫廣東話󱝚正字同本字就󰖝󱪙度扮專家󰸐。就好似=冚󰇽󰸽，=虢礫緙󰹒，hea=迆，學識󱃡依󰦠正字就根本󰀋會有「有音無字」依個問題。
7.粵語有九聲六調，齋用粵切字點得󰀓，󰦠同音字都搞󰀋掂。󰀋明我噏緊乜就去睇下韓國󱝚「放水防水」事件󰸐。
8.不了，粵切字有用殘體字(e.g.会)。
9.粵切字󰖝又係拼音文字󰿐󰕒，同注音符號/諺文/假名有乜分別󱂘，根本󱪙度重新發明車轆。
10.我󰥥廣東話不嬲係用中文字寫󱛓󰸐，中英夾雜󰖝用中文同英文寫󰖝得󰼠，使乜用粵切字󱂘。
11.廣東話同漢字有千絲萬縷󱝚關係，你想用粵切字󰺣毀滅我󰥥幾千年文化󱝚漢字文化？󰖝傻󰸐。
12.香港以前係英國殖民地，所以廣東話󱝚文字要去漢字化󱝚話直接用拉丁字母(󰂘..耶魯粵拼)寫󰖝得󰼠。
13.廣東話標準化？󰖝傻󰸐，冇政府同教育局幫手點會搞得掂󰀓
14.個粵切字表󱜪多個符號，好難記󲉢。你睇下󰦠人連粵拼都學󰀋到，點會記得晒󰦠粵切字符號󰀐
15.香港人不嬲都冇用拼音󰺣學中文󱛓󰸐，係靠有邊讀邊同埋死記󱛓󰕔，粵切字攞󰹛托柒󰗘。
16.既然粵切字係基於諺文，不如直接改下諺文󰦠字母󰖝得󰼠，根本冇需要創造新󱝚文字系統。
17.󰦠粵切字都󰀋靚，用返中文/諺文/港女文/注音符號好過󰸐。
18.你粵字改革個宣言係用三及第寫󱝚，都󰀋係粤文。你憑乜󱖜用三及第󰺣推廣粤文󰀓？
19.樓主識󰀋識反切󱛓，你󱟡󰦠粵切字都冇跟足反切系統入面󰦠規則。
20.「東」應該係德工切，而󰀋係德紅切。
21.預期要粵文拼音化同拉丁化，不如直接寫英文好過󰸐。
22.粵切字太似5P字󰸐，吾系甘牙？
23.粵切字󰖝即係要用兩隻字󰺣寫一個音節？󱜩󰖝好冇效率󰼠。
24.你用粵切字󰺣搞漢字拼音化同匪黨󱟡󰦠簡體字同二簡字有󰗘分別，你根本󱪙度摧毀緊我󰥥自古以來繁體字󱝚既定書寫文化。
25.古語有云：「我朝自祖宗以來至誠事大一遵華制今當同文同軌之時創作粵文有該觀聽儻曰粵文皆本古字非新字也則字形雖倣古之篆文用音合字盡反於古實無所據若流中國或有非議者豈不有愧於事大慕華」
26.粵切字根本代替󰀋到漢字，你返去睇下日本同韓國󱝚去漢字運動󰸐。日本同埋韓國某程度上重用緊漢字󱛓。
27.樓主想係香港搞五四運動？香港都冇文盲，搞乜鬼󰀐。
28.香港連粵語拼音都未統一，幾時輪到粵語文字標準化󰀐。