粵切字例文

粵語配有自己嘅文字。

注音

才不是

粵切字係專爲香港粵語而設計嘅拼音文字。
有咩唔明先

粵語配有自己嘅文字？十劃都未有一撇：
1. 多謝樓主嘅一番努力，但係你嗰幾篇嘢太長，too long didn’t read。
2. 香港100%嘅人已經識寫中文，兼且香港而家無乜文盲。所以呢，我哋多啲寫粤文就自然會約定俗成㗎啦，使乜用粵切字吖。
3. 中文博大精深，漢字表音亦表意。用粵切字咪無得表意囉，根本喺度自毀長城。
4. 漢字有既定嘅造字機制，用返六書嚟整返啲新嘅漢字咪得囉。無得創造漢字咪用假借或者英文字嚟頂住檔先，噉咪解決咗有音無字依個問題囉。
5. 無啦啦創造文字做乜唧，廣東話口語用中文字同英文字咪得囉。
6. 樓主唔識寫廣東話嘅正字同本字就咪喺度扮專家啦。就好似 ham baang laang=冚唪唥，kik lik kak lak=虢礫緙嘞， hea=迆，學識咗依啲正字就根本唔會有「有音無字」依個問題。
7. 粵語有九聲六調，齋用粵切字點得呀，啲同音字都搞唔掂。唔明我噏緊乜就去睇下韓國嘅「放水防水」事件啦。
8. 不了，粵切字有用殘體字 (e.g. 会)。
9. 粵切字咪又係拼音文字咋嘛，同注音符號/諺文/假名有乜分別唧，根本喺度重新發明車轆。
10. 我哋廣東話不嬲係用中文字寫㗎啦，中英夾雜咪用中文同英文寫咪得囉，使乜用粵切字唧。
11. 廣東話同漢字有千絲萬縷嘅關係，你想用粵切字嚟毀滅我哋幾千年文化嘅漢字文化？咪傻啦。
12. 香港以前係英國殖民地，所以廣東話嘅文字要去漢字化嘅話直接用拉丁字母(e.g. 耶魯粵拼)寫咪得囉。
13. 廣東話標準化？咪傻喇，冇政府同教育局幫手點會搞得掂呀
14. 個粵切字表咁多個符號，好難記喎。你睇下啲人連粵拼都學唔到，點會記得晒啲粵切字符號吖
15. 香港人不嬲都冇用拼音嚟學中文㗎啦，係靠有邊讀邊同埋死記㗎嘛，粵切字攞嚟托柒咩。
16. 既然粵切字係基於諺文，不如直接改下諺文啲字母咪得囉，根本冇需要創造新嘅文字系統。
17. 啲粵切字都唔靚，用返中文/諺文/港女文/注音符號好過啦。
18. 你粵字改革個宣言係用三及第寫嘅，都唔係粤文。你憑乜嘢用三及第嚟推廣粤文呀？
19. 樓主識唔識反切㗎，你嗰啲粵切字都冇跟足反切系統入面啲規則。
20. 「東」應該係德工切，而唔係德紅切。
21. 預期要粵文拼音化同拉丁化，不如直接寫英文好過啦。
22. 粵切字太似5P字喇，吾系甘牙？
23. 粵切字咪即係要用兩隻字嚟寫一個音節？噉咪好冇效率囉。
24. 你用粵切字嚟搞漢字拼音化同匪黨嗰啲簡體字同二簡字有咩分別，你根本喺度摧毀緊我哋自古以來繁體字嘅既定書寫文化。
25. 古語有云：「我朝自祖宗以來 至誠事大 一遵華制 今當同文同軌之時 創作粵文 有該觀聽 儻曰粵文 皆本古字非新字也 則字形雖倣古之篆文 用音合字盡反於古 實無所據 若流中國 或有非議者 豈不有愧於事大慕華」
26. 粵切字根本代替唔到漢字，你返去睇下日本同韓國嘅去漢字運動啦。日本同埋韓國某程度上重用緊漢字㗎。
27. 樓主想係香港搞五四運動？香港都冇文盲，搞乜鬼吖。
28. 香港連粵語拼音都未統一，幾時輪到粵語文字標準化吖。

你所有嘅回應都係未經過深思熟慮。

不過好好 你整咗個 faq 框架 叫人寫寫答案先

樓主幾好橋 但可預期推廣會幾困難 起碼你問我 係依家已經有方法寫既情況下其實無意欲學一套新既
將反切造字係保存有音無字/本字太生僻既好方法 但針對香港英文流通度咁高 啲人會揀反切字定英文記音呢

太長冇睇，但估想反共？咁就咪搞咁多嘢，直接用英文先係正路