決定走上價投呢條不歸路⋯⋯

我先上去seeking alpha睇睇佢地啲簡介
重覆咁見到 Business Development Compnay, BDC
於是就係google度搵「BDC Good」同「BDC Bad」
嘗試了解下點解佢地咁高Yield

基本上BDC係一間RIC（Regulated Investment Company），同REITs一樣只要將Taxable Income嘅90% 分派出去就有得免稅
佢地主要嘅投資對象係一啲EBITDA 由5m到150m嘅美國中小企（其實都唔細囉好唔好）
主要係投資高順位嘅First and Second Lien Secured Debt
姐係出事果陣排第一同第二攞錢
仲會投資下股權同埋優先股呢啲
亦因為咁有分equity BDC 同埋 Debt BDC

佢地個條例都有分散條款
不能有單一資產多過5%、不能擁有多於10%投票權（why）等等

汁係度：https://www.whitesecuritieslaw.com/2016/06/14/bdcs-the-good-the-bad-and-the-ugly/

多謝大家支持尋日開始完寫左兩篇覺得好鬼麻煩想放棄
多得大家推幾下先有番啲動力

多謝大家支持我差啲就放棄了
原來咁連載個進度會好撚慢好攰
你地嘅支持係我出文嘅動力
大家等嘅時候不妨睇睇我個blog
https://3gcashflow.blogspot.com
另外想問下大家支唔支持我開個MeWee
唔開FB IG啦on9左媒內容會好似呢個po咁
偶爾睇股有啲跳出尼未整理想法會po出尼同大家傾下咁
支持嘅請正皮呢個回覆

留名Gchi

我又番來了 啱先睇到ARCC嘅財報
去到公司網發現原來BDC每個月都會出一份Investor Report
我就仲未熟習睇10-K果一大堆一大堆字 先拎左佢份ppt出尼睇

入面會簡介下個BDC嘅Portfolio 嘅公司係咩行業 佔幾多幾重 咩順位咁
即管望下佢睇下佢拎啲咩出尼見人啦
好快總結下
1. 佢係巿值同Asset under management 計最大嘅BDC
2. 團隊好西利（廢話啦邊有人會話自己唔勁）2004創立 經過週期考驗
接下來cap 啲數據出尼

呢個係用一個叫 net realised gain/loss去證明自己比peer勁
咩尼架呢

我嘅理解姐係本金部份嘅變化啦
由於BDC要分派大部份嘅利息收入 而佢嘅投資壞賬令本金損失嘅部份係會無野補番（唔似銀行） 所以佢地要有啲本金appreciation去cover番 方法係你借100我淨係比95蚊你咁 長期下來嘅本金增減就係Net Realized Gain/Loss了
我諗大約可以理解成為壞賬指標吧

幾欣賞佢交代埋自己嘅投資要求
令人放心嘅有幾點
佢話自己focus upper-middle market嘅大啲嘅小公司（乜9 ）
同埋closing rate 得3% 一啲都唔濫
呢度就show 左portfolio 最大果筆投資只佔3% 超級爆分散
而且高順位債（第一/二留置權有抵押）有73%

再睇埋佢個Portfolio嘅公司行業 又係好分散 好多行
我諗都要要一個相當之系統性嘅危機（like而家covid）先可以推到佢有危險 畢竟一個行業爆炸頂多都係收19%皮 （其實都多嘅 不過HC行業⋯⋯）
佢仲特登cap比大家睇自己比起其他產品對covid 暴擊行業有幾大exposure

另一個威嘅係 我睇另外兩份都無咁撚型咁show 自己loss rate

佢穏唔穏陣仲可以參考評級機構
另外就係借貸利率唔會呃人

真係要挑剔嘅係佢有個小小的Debt Wall
Debt wall唔係一個正式術語尼 係我唔記得邊度睇到
指係下面呢啲債務到期日圖入面零零舍舍有一年好撚多 好似道牆咁 就叫debt wall
咁你睇佢其實都有少少 係core earning 嘅接近6倍 要還就要睇有無人再借比佢啦

仲有呢個表 好撚串咀
佢係用1234 但下面附注有哂啲ticker
姐係話比大家知 唔係針對邊個 係下列BDC全部都係垃圾

當然你要做嘅係搵出名單上無嘅睇下係咪勁過ARCC啦

呢個個重點就係話你知 佢return高過人又波動少過人啦

recap番個重點 我係想睇下ARCC比咩我睇 等我有啲標準去評價其他BDC
所以我而家睇埋其他 抽左上面有巴打講起嘅ORCC 同埋唔知點解PB0.7嘅PSEC尼睇
我淨係係度交代番啲佢地有而ARCC無嘅metrics 啦


比如PSEC會搞埋Real Estate同Aircraft Leasing（wtf?)


呢個我覺得重要嘅 就係佢會講埋啲公司weighted average indebtness
姐係啲公司加權平均嘅負債程度
採用嘅係Debt/EBITDA 姐係營運所得要多年先還得清啲錢
4.4年我覺得係都算ok嘅 對比啲油公司要6年有凸好好多 對比真係安全果啲3年樓下又唔算好突出 但真心好過我以為嘅中小企


呢個係ARCC真係唔覺眼但係係量度佢表現嘅重要數據 就係啲投資到底收咩息口 如果ARCC咁細Loss Rate可以有PSEC呢個息口 咁應該就算係表現得好啦 姐係壞賬風險低得尼回報又高
但可惜兩邊都唔係有齊兩個數 要自己再計

姐係佢地基本上係secured debt holder only唔會對d中小企業有咩reengineering / target set比佢地？

help push

上面有篇文講話會有吖
但睇完ARCC PSEC都無提起

推

呢個我覺得好唔錯嘅係佢show番比你睇佢啲債務同投資match唔match
呢啲玩息差嘅公司 基本方式係平借貴貸
咁借左錢係要還架嘛 如果公司投資未收番尼就要還錢 咁咪好易有周轉壓力
呢個借款期短、貸款期長嘅情況 叫做「借短投長」
好易有cashflow mismatch引致違約 最簡單嘅例子係擠提
咁佢show埋自己啲投資and債務到期日同額 又真係明顯地搭配 咁金流壓力就少左了

encunmberd asset 大約可以理解做抵押左嘅資產
咁你無乜資產被抵押左 發行有抵押貸款嘅潛力就高 相對易借錢就穏陣好多了

順手分享一下統計學妙用 差果0.4% 但條柱較到差咁遠 fake大家

其實3月果陣有好多啊
depends 你話無乜題係咩意思啦
好多其實小問題被跨大左
例如話商場無人行 銅鑼灣變死城 希慎興業低見22蚊
屌今日第四波咪又係多人到仆街
paradigm唔係話shift就shift架

咁總結一下 睇一個BDC果陣 我會分開三大要素去睇

第一係基本資料
間BDC本身嘅投資方向係咩？佢會參與係咩類型嘅投資？
佢存在左幾耐 有無經歷過危機嘅考驗？

第二係回報
股息率係幾多？淨資產計回報係幾多？組合回報又係幾多？
為呢個回報我支付比管理人嘅費率係幾多？扣除左費用嘅回報又係幾多？
存唔存在增發 稀釋後回報又係幾多？

第三係穩健程度 呢度又分三部份
一、經理人表現
佢地揀嘅資產質素係點？歷史嘅Loss Rate係幾多？Net Realized Gain and Loss如何？篩選夠唔夠謹慎（睇Close Rate去估）？
經理人嘅return/Volatility比為何？
二、組合安全度
高順位嘅債權占比高定低？組合集中程度（by單個投資同by industry）如何？組合入面公司嘅債務狀況同規模如何？
三、財務健康度
有息負債嘅利率為何？信用評級夠高嗎？資產、債務到期日match唔match、有無debt wall？有幾多%資產已抵押？可動用流動性cover到幾多債務？

回報果度補多一點
股息分派紀錄有無中斷穏唔穏定？

就咁睇佢最大兩個sector一個non cyclical一個SaaS 都好穩陣睇個市場走勢，順帶想問下loss rate係in terms of loan volume 定係公司數目？ 個VaR大唔大？

我打算用loss in loan $ 或者asset
追追ARCC個loss rate 係計1、2lien嘅default loss
如果其他公司無比呢粒數嘅會睇其他/自己計番可以common比較嘅數

其實value at risk點用留名學野