老闆仲係比較寬鬆嘅人,即係你做得晒公司嘅嘢佢唔會理你做自己嘢,你做自己外快都冇所謂。啲人做錯亦都好少鬧人。
e-mail安排咗個task會人做一啲,上星期一去排,講明聽日deadline,而果個task其實每人應該1-2個鐘可以完成到,視乎手腳快慢(不過有啲悶,晌電腦重複咁輸入嚟設定report,所以預你分開幾次整之後你自己上網,瞓覺,打飛機都唔理你)。
去到擒日,有一個同事完全未郁過。我話份嘢過兩日到期,你返埋今日就放兩日假,但你未郁過。之後佢問啲嘢安排晒邊個做邊啲?我話我教你哋果時已出咗email分配好晒,仲親口講咗俾你哋聽。我擒晚臨走果時仲見佢有步驟唔多識就再教埋佢先走。今日返嚟只係做咗1/4。
我近排都成日同佢講,經濟唔好,大家做好啲自己,少啲大遲到,double check自己做過嘅嘢,做嘢主動啲。
如果公司真係頂唔住果時可能都係叫大家放下no pay,但你做得唔好,公司直接炒咗你,可能好難先搵到另一份。
我依家諗緊係咪應該當佢小學雞咁,每個task寫到明每日做幾多。