27歲 想讀翻書係咪好不智

加油呀樓主 我同你一樣出左黎做野好多年
近排先出現依個問題

有D FD 35都想讀返書 不過係為移民

27歲讀返書+1
一開始雄心壯志，認真抄筆記
半年後上堂狂撳電話
功課就抄 考試出貓

完全唔知為乜，依家讀到第三年
讀埋拎完張沙紙應該唔會再讀上去

爛泥扶唔上壁

廢J表示呢加就30先岩岩top up
但讀到無心機。不過樓主你想讀就去做，最緊要你覺得對你有用

上3年讀hd，好多3x-40x都有

年紀大左 學習能力真係會差左
同埋放工上堂會好攰 要考慮清楚頂唔頂得順
利申 一路返工一路讀part time master

有咩問題，唔洗理其他人眼光，只要諗讀書呢件事對你有冇好處

讀書增值永遠冇錯 一定對前路有幫助 不智嘅唔係哂時間 最不智嘅係讀讀下放棄 所以如果真係讀 諗清楚自己讀乜 最好係興趣範圍內

功課 Project Assignment 有好嘅組員/同學就會幫到好多 唔係叫你free ride 但勁人會救到你好多 當然最後一切都要靠自己努力 時間係自己擠出嚟 冇時間只係借口 都係嗰句 堅持係最重要

利申: 由23歲開始半工讀咗3年HD 仲有幾個月就grad 一個18個月嘅degree 完咗會再報Master

香港人係呢方面d思想真係好撚低賤 永遠都覺得一過左廿頭就要打番牛工生活先叫正常 外國大把人 3 40 歲先追求自己既興趣讀番書根本好正常

廿七讀緊係冇問題，但要讀就應該讀啲有牌嘅科，一嚟易搵工同移民都易啲

樓主之前做過地盤，有冇諗過讀建造業議會啲hd，或者civil hd

讀完有牌，你原本又有經驗，讀完都唔驚搵唔到食

讀IVE或者Space HD, 如果做工程就讀工程
上堂識啲frd子幫你tick attendance，番到就番
如果上堂有 video playback就 perfect
番工得閒就咪下書
香港工程都易轉行嘅，呢間人工差咪轉第二間，無人話一定要跟老豆

我冇咁講，總之讀書係可以但最好當興趣
雖然我會建議發展一啲你已經識既野，如果係想改善生活

外國大把人30幾歲先讀大學，仲同D同學關係好好，分分鐘仲食女食到腳軟
係香港先咁畸形

讀翻書當你讀五年你先三十頭，人生打後仲有幾十年要過。有心唔怕遲！時間同錢上嘅投資都會好值得

曾經我都唔知點解要讀大學，純粹心態係個個next step 係大學，咪跟住個flow 囉，甚至依家誤打誤撞讀埋碩士，grad 埋，但咁多年後依家諗翻轉頭，無論見識上知識上做人上都學咗好多野，有心有能力就去做啦！加油！你有機會唔好好把握就真係不智啦！入咗個course 你比心機點都讀得成嘅！

半工讀又唔係覺得自己特別叻 真係要擺多D心機
唔好聽乜尻連登講咩IVE弱智都讀到 只係佢地太叻
唔好肥佬就得 好拖時間

樓主讀番書既目的係想搵多d錢, 咁你不如專心諗下點搵錢好過啦

番咁長時間 仲要番6日 。。。。

有心唔怕遲

我都遇過三十幾歲都讀大學嘅人。所以根本冇問題，只要你肯讀。而且你人生經驗更多，都係一個強項。

最慘家下大學生一街都係
讀完出黎唔通同班22歲嘅爭咩
仲要佢地fg先15k都唔知有冇

做自己想做嘅嘢啦，趁仲後生

仲讀書, 又揾少多4年錢