薯叔和你談- 點解你玩唔到DND?
上回同大家講過一下DND 遊戲既玩法同埋前設需要準備既資料同物品,接下來呢一篇文章, 會同大家分享一下 點解咁多人想接觸DND, 但一直都仍然係地下城門口徘徊。
你知道什麼是龍與地下城嗎?
都市人受到速食文化影響, 無論係工作, 遊戲,感情上, 乜都要快, 乜都要有效率。
那有時間騰出黎同你慢慢了解 咩係地下城, 要扮演一個生活係地下城既人, 需要既係時間同埋了解自己角色同背景。
你覺得玩DND 好毒
雖然大家都係都市人, 口裡一直都話接受唔同既文化, 但係一被人標籤”毒” 就一定係負面形象。
就正如COSPLAY 其實無乜問題, 只係好多人都覺得COSPLAYER 好”毒” , 點解會鐘意一個卡通人物鐘意到想扮演佢, 但完全唔會去了解COSPLAYER 背後 為服裝準備, 為左角色去練習呢種心機
相反睇下人地外國, 外國人會接納不同事物, 大家願意放下自己身段去扮演一個 真真正正處在係地下城既角色, 大家玩緊DND 時候, 唔會帶” 有色眼鏡” 去對待身邊既同伴 , 即使個位同伴非常”入戲”。
你沒有文化
好多TRPG 入面都好多科幻文學背景滲係入面, 龍槍編年史》《魔戒》《黑暗精靈系列》等，以及經典的PC遊戲《博德之門》《異域鎮魂曲》《無冬之夜》，都和D&D有着緊密的聯繫。
而外國既文化係非常流行, 生日、聖誕節同特別節日都會送 Boardgame 作為禮物, 收到既人都會非常開心 (如果你送 1 set Dark Soul 俾我, 我都會好開心)
其實香港本土都有好多文化 , 例如: 大頭怪嬰 、中大辨子姑娘之類既都市傳說 (我都打算寫一個有關香港既劇本)
其實玩DND 無論係天文, 地理, 歷史 都可以係入面吸收到。
或者你唔夠想像力
DM: 當你穿越一個森林既時候 , 你聽到叢林有聲音, 好似見到有巨型生物，而且聽到有人大聲叫” 救命呀!! 有無人可以救我呀?!!
玩家A: 咁恐怖… 我唔行埋去啦… 我逃走!!
TRPG 最有趣既地方, 係可以俾你自由去選擇決定, 你有多種方法去解決問題。
但如果每次遇到問題, 唔去思考就直接,逃走或者問DM 可以點解決問題的話, 遊戲便會變得非常沒趣, 愈玩愈悶。
玩家們!! 跑團既時候多多用你既想像力啦! 想像力係你地最大既武器, 你地對抗緊既除左遊戲入面既難題同怪物之外, 你地同時間係同緊 DM “鬥智鬥力” 。
如果你有想像力的話, 你會用盡腦汁, 究竟可以用咩方法, 靜靜咁潛入去, 皇室既卧室呢?
究竟除左戰鬥之外, 有無方法可以全身而退呢?
你不太會觀察別人
作為DM 既你, 係帶動遊戲氣氛, 亦都係跑團最重要既一員, 但冒險者們千萬唔可以覺得DM 就等於神， 即使係神都會有錯既時候, DM 亦無可能背曬所有規則。
當你跑團既時候, 如果你發覺有地方唔合理, 你可以主動同DM 討論 , 令到遊戲之後可以玩得更順暢。
如果同隊入面有隊友特別喜歡戰鬥既時候, 可以安排戰鬥給他, 如果有隊友係喜歡解迷的話, 可以俾小難題, 令佢動動腦袋!
當你一直玩DND , 你會發覺自己對於人與人既溝通、觀察、反應有慢慢成長。
