大家會點樣面對單身既孤獨感？

本身係會覺得少少，但之後已經慣咗，同埋會搵啲嘢做令到生活好豐富

自己想做咩就一個人去做，行山食飯睇戲.....
有時真係幾孤單嘅，但係仲好過愛錯人

羨慕有貓貓陪

上年一個去追極光 習慣就好

其實唔使諗到咁灰， 或者單身先係不幸中的大幸

都廿幾年囉，慣嫁啦

努力搵錢

去邊追？我都有幸係冰島睇過一次但一個人去個孤獨感應該大到頂唔順

瑞典,又唔會 果時好慶奮

我中學被朋友排斥過，中一到中5當面被女仔笑樣哀，已經習慣晒一個人果種冰冷感。

中6成班人好熱情，冇咩再點笑我。不過我內心都係好冰冷，冷到人地都覺得我好悶好off...

我開始對人多 開party 嘅地方都好驚 好焦慮 雙手次次都流好多汗

中6嘅冬天，太陽唔係好曬，周不時有冷風吹過手。我一個人去左附近嘅公園食lunch，果到好少人，不過有好多花，重有一家family係到。個爸爸好年輕，同個女追追逐逐，佢地笑得好開心，笑容好燦爛，個爸爸嘅眼神笑咪咪，好和藹可親。我忍唔住喊，可能係公園嘅景色太和平... 我一諗起要返學校上堂，就好痛苦

自此就鐘意自己一個，起碼喊果陣冇熟人知道，習慣左冬天果種又冰涼又孤獨嘅感覺。

呢家就快冬天
好快 每日起身 身心都會好浸涼 好舒服

利申：文筆差

多人都不如一個知心既朋友/伴侶

23 A0 細個計畫自己幾歲要拍拖，幾歲要結婚，大個發現自己細個諗野都幾不設實際 （我唔係冇努力，呢d 野真係唔係話努力就得，尤其自己又唔識social，覺得social 真係累）慢慢就會發現自己開始頹，唔想去搵，說服自己要享受me time (明明就係因為連朋友都識唔到，哈哈）（我係錦諗啦，可能我未成熟到識享受me time)，跟住做嘢試下chur 盡d，返多幾份parttime （如果真係好忙就冇時間諗嘢啦），或者做下運動啦（有時做運動個陣見到人地一家或者情侶相處得好開心，我見到都覺得開心）
做下義工（？）其實幫到人真係開心㗎，還掂得閒都係攞時間fing，幫下人仲好，起碼可以貢獻下社會，真心，見到人地笑真係個刻覺得個心好暖
Sorry for 1999
重點係單身既孤單大家都有架啦，諗下其他人都係錦，就覺得冇錦孤單（？）chur 盡自己，就冇時間諗錦多

我明個種去到社交場所就狂飆汗既感覺 // 我有試過融入但我真係句點皇，慢慢我就唔出聲啦，再下次我就唔去啦

喊下，抒發下壓力都好（打緊字既我又係度喊緊）