咁多位巴打,我第一次開post,如果有咩做錯講錯,請多多見諒。
我見近排多咗巴打對移居加拿大有興趣 (當然我都一樣 ,冇BNO,打算靠加拿大) 。有部分巴打對到加拿大生活感到不安,一黎對加拿大各樣野唔熟悉,二黎擔心財政狀況,最後就係有D巴打會孤身一人出發,一個人闖盪異地,更加不安 (其實個個係我)。
有見及此,我打算開個post,等想去加拿大讀書/搵工既巴打,係度搵同伴 (類似動畫入面異世界既公會 ) ,一齊去面對新既旅途。
介紹自己先,我已經20尾,儲咗筆錢,就算冇工開,慳住用應該夠係加拿大生活1-2年。冇咩特別專業 ,想去加拿大英語地區(法語區盡量唔去了,唔識法文),去加拿大咩工都可以試下,肯請我又支持到生活就得。
提提大家,網上交友要帶眼識人。請小心保護個人資料,以免私隱外泄。
最後,歡迎大家入黎討論