爆機狂迷：《機戰3α》史上最多機械人登場

受歡迎嘅電影好多時都會繼續拍續集，好玩嘅Game都係一樣，集合大量動畫機械人人物嘅《超級機械人大戰》系列，自從1991年首次現身到𠵱家，已經喺唔同嘅機種上面推出咗超過30部作品，受歡迎程度絕對係遊戲界嘅經典，可惜呢次推出嘅《第3次超級機械人大戰α－－往銀河的盡頭》已經係《機戰α》系列嘅完結篇，各位Fans千祈唔好錯過呢個最後機會呀！


今次PS2方面為咗隆重其事，重同時推出咗一張8MB嘅記憶卡連埋貼紙，十分之精美，可惜香港行貨方面暫時未會推出，有心嘅Fans可能要諗吓網上訂購，或透過相熟Game舖向日本訂貨等其他辦法喇！


鍾意玩《機戰》系列嘅玩家，多數都係機械人嘅Fans，今次《第3次超級機械人大戰α》參戰嘅機體連同BANPRESTO原創機體多達32部，絕對係歷來最高，當中除咗有大家熟悉嘅《高達》系列、《新世紀福音戰士》、《三一萬能俠》、《超時空要塞》同埋《勇者萊丁》等等之外，重有首次登場嘅《高達SEED》、《勇者王我王凱牙FINAL》等，可以話係有史以嚟最熱鬧嘅一次，而且喺畫面方面亦都比起之前嘅作品更加有水準，畀到玩家一個好壯觀華麗嘅感覺，令人十分驚喜。

今次嘅《第3次超級機械人大戰α－－往銀河的盡頭》係第一部PS2嘅《機戰α》系列作品，亦會沿用番《機戰α》系列嘅故事劇情，玩家嘅任務係喺地球圈度守護住地球，抵抗STMC宇宙怪獸嘅侵略，打完之前嘅兩次機械人大戰之後，地球有過一陣子嘅和平，但係到咗新西曆189年，喺地球外圍又出現咗一班叫做CrossGate嘅神秘軍事組織同埋外星人，喺呢個時候玩家就要為地球進行最後一戰，為地球人帶嚟永遠嘅和平。

遊戲嘅玩法同之前差不多，都係以回合式戰棋嘅方式進行，玩家可以選擇一對一單獨作戰，出盡自己一方機械人嘅強勁招式嚟同呢班黑暗勢力作戰，如果大家記性好，都應該記得上一集加入咗新嘅戰鬥系統「小隊系統」，可以自由調配組成每一隊嘅四隻機械人，今集除咗會繼續採用呢個系統之外，重加入咗新元素「自動小隊系統」，玩家可以根據每隻機械人嘅「平衡」、「威力」同埋「速度」呢三個條件俾電腦幫你自動編最精銳嘅部隊，另外如果玩家有番咁上下經費，重可以根據更仔細嘅條件例如「攻擊力」、「防禦力」咁自動編隊，比起過往幾集更加精采！


《超時空要塞》一條輝嘅導彈攻擊，好經典！

■死咗嘅福卡都嚟露一手！真係有心！

玩呢隻Game會成日見到人類主角，同睇卡通片無乜分別。

首主題曲gong 真係勁正，
ps2年代 d歌真係好聽好多。
同埋舊機戰 好多Cg 睇 ，
夾埋首op 真係勁燃
而家果幾集 直情片頭都冇埋

Ps4/ps3 真係得og系列叫好玩少少
vtx 果幾集同舊時果d比 爭幾皮

而家啲機戰連第3次α既一半都冇
J都j咗幾次

細細個打機戰 覺得好難玩 打咗癬半就唔再打




唯一呢隻 第一次打爆機

佢個組隊系統

有冇方法可以玩番

ps2模擬器最新版裝咗直接玩得，唔同以前要set呢樣set嗰樣

機戰mx好難?

Z1本身追到alpha車尾燈
可惜續集係垃圾

Z真係完全浪費咗堆版權作
有齊當時最紅作品但故仔只係每一關打次元獸

Z2 開始為咗遷就掌機容量, 取消4人小隊

新手打EVA量產型嗰關應該會覺得好難

seed 呢bro

去到中後期關關用新srx開map炮清場
易玩到

有冇人可以話我知, 點解黑天使(第三主角機)
招大絕同最終BOSS招大絕咁似樣嘅??

唔止版權作
原創十二星座人同機都好正
你再望返vtx

Mx 神高達 同 冥王計劃 玩曬嘅
其他機都唔使用

Ps2 第一部alpha 作唔係第二次alpha咩

超級save load 大戰

蘋果日報不嬲都求求其其

其實V做得幾好....
參戰作品有誠意
故事合格有餘, 真係MATCH返大部份參戰作品劇情
主角機設計又冇揸流灘.....
點知X就即刻回哂塘

想玩返

v係本家製作 ，x同t係外包

我係呢度down
https://lihkg.com/thread/295058/page/1

Ps2嚟講z1真係顛峰
有一關兩邊主角團互片
啲對話全部好有心整