一句到尾，港女會唔會真係睇唔起地盤佬？

會 正評
唔會 負評

成日都話咩睇性格
有啲地盤佬搵錢仲多過啲中環西裝友
點解都溝唔到女？
大把地盤佬都深黃
點解唔值得有一個女朋友？

如果個地盤佬係高大有錢靚仔就唔會

因為你係喺地盤嘅毒撚

搵錢係多，三四萬一個月，但如果一路打工就係頂盡。
溝唔到女可能係因為要至少番六日9-6，收工就算沖完身都可能仲成頭汗，又辛苦攰到無心情出咁多街陪女。同埋地盤環境好天曬落雨淋又危險又大塵，會好擔心佢好多病痛/有意外。
所以長遠睇，自己學識炒黎做既地盤佬會著數啲。搵得再多啲，培訓到副手既話番工時間又彈性啲，又可以少啲自己落手

補充，三四萬唔係嫌佢少。但始終係辛苦錢。
同埋日薪，有咩病痛開少左工就朝不保夕

唔會 睇吓係咪對自己真心重要啲
講真俾你入豪門但老公四圍去滾其實仲空虛
利申：港女

講到尾又咪睇性格

你MK性格, 做地盤一樣溝唔到女
你毒撚性格, 做醫生都一樣晚晚自己打J

首先要視乎咩女
Mk 一定冇問題
如果港大畢業 醫科生 我諗就算你好型又靚仔都有保留
但係，好視乎你既工作，你落手做札鐵同係地盤點人札鐵已經唔同幻想。就好似工程師都會成日落地盤 但唔會自己鑽牆

會俾人睇唔起 不了

身邊有女仔朋友嫁咗比地盤佬
地盤份工係賺錢交租生活
另外搞音樂同玩銀器製作（無咩錢賺 純粹興趣）

雖然份工title 唔算好聽
但人有夢想 又會為現實而努力 真係型到震

細路女嗰時會咁諗
但人老咗就無咁介意
反正人越大真心朋友得返幾個
係朋友佢地都唔會睇唔起你啦

樓上成班假人講就講得幾撚好聽

我唔會睇唔起佢哋
但係我唔會想選擇佢哋做我嘅伴侶

除咗樣啦錢啦，我自己覺得見識, 世界觀都重要
唔係話全部，但應該大部份如果係返地盤嘅男仔可能都比較少喺外國做野/生活。而我自己呢幾年幾多時間喺外國，都會想搵返個男朋友係同比較有世界觀，同埋可以同我一齊喺外國生活。

咁當然啦我只可以講自己，我唔代表所有港女。

無咩條件無學歷應該會睇得起，學上面話齋，頂哂龍搵三四萬，除非你炒到嚟做，仲要今年旺唔代表出年旺，放工一定要返屋企沖個涼，除非你條女接受到你個頭有個帽形，問心你係女寧願揀個穩定消防/救護年年有人工加定搵個做地盤

食煙飲酒講粗口，紋身叫雞打老婆

唔好話地盤佬，工程師都好多中至少兩樣啦

咁退幾步咁講，月入三萬地盤佬點都好過月入萬零mk侍應同sales嘅

認真答你
地盤俾人印象一定係成班仔粗口爛舌
返工飲酒放工傾叫雞
身體即使企喺地盤唔做嘢一日都肯定成身汗味
仲未計又煙又酒陣味
雖然唔係個個都係咁
但應該都佔大部分
邊有女會接受到？
仔都唔係個個接受到啦
而地盤係人工的確比普通行業高
但比起做地盤高人工嘅都大把文職
不過最重要係條女帶你去見其他朋友或者見家長講起做咩個陣就會好尷尬
即使你高大靚仔都會有啲扣分
不過如果你真係好高大好靚仔係肯定彌補到以上嘅缺點
所以啲女唔係真係睇你係咪好高人工
寧願要個中等人工嘅文職仔都多過要地盤佬
總結溝女嚟講最緊要一個字

靚仔

唔係個個女仔都有條件選 消防/救護 既

港女 唔選擇地盤佬

地盤佬 就只好去大陸搵老婆
(我做地盤, 真係好多地盤佬 去大陸搵老婆)

結果令到香港 越來越多大陸人

惡性循環

我唔係旅行啊
我係去左外國讀書啊

不過我都有個朋友係地盤工人
一樣有個港女老婆同美滿家庭
但佢真係好乾淨個身無味