冇時間可以直接睇紅色字
話說係8月中既時候買左一個不死鳥既袋，係生日禮物黎。
因為見好多人講都好咩同耐用，所以放棄用左10年既Gregory用$1780買左人生第一個不死鳥背囊
點知去到9月頭既時候發現背囊既線位竟然爆開，
我極度驚訝因為我平時都好錫住個袋黎用點解會咁快爛
都唔緊要啦，我知有得整我就去整啦，
點知佢只准我郵寄過去郵費要自己俾，
我心諗如果我用左4-5年我自己俾都可能合理，但我用左一個月都唔夠又要我俾錢寄過去我就覺得好唔合理
個office係香港都要我寄
所以我就email去加拿大公司直接講，佢又叫我搵返香港公司，
咁我寫email去香港公司，投訴質素差又要我俾郵費，我要求攞上去，
來來回回幾次email，最後佢地都答應我！
28/9攞左上去後，等到9/11可以攞返，跟住又叫我填表選擇取貨方式，咁我就選擇左去分店取
咁取貨日我大約6:15去到，本身係Google from約左話7:00攞返，
我以為個背囊一早send落黎鋪頭啦，去到點知話要等到7點因為係office既人落黎，心諗咩咁大支野呀！但冇計啦自己早到咗。
咁我係店出面呆等左45分鐘，等到7點就去返鋪頭攞貨
跟住有個男人招呼叫我檢查下個袋，我就話點解你地袋質素咁差用左唔夠一個月就爛
佢就話佢都好出奇咁爛法，平時都係拉鍵位壞等等，仲話其實你用其他牌子都會爛啦
燥左！我就話我用左Gregory十年都冇爛過，佢冇講野
跟住我有提出一下佢地公司一d安排問題希望佢聽下，例如special case承擔郵費問題或者其實可以send貨到鋪頭攞唔洗一定等到個個時間先攞
不過條友完全一句話會同公司反映唔好意思既說話都冇講過，只係話自己做唔到話我點點點
我最後都冇氣，我話其實同你地講你地都唔會接受啦，講多都浪費時間，我都係同返你地公司講。完
其間有兩個sales圍撚住我，因為我講野都幾大聲個陣仲有幾個客係到睇野
結論係我對呢家公司完全失望，由貨品質素同服務態度都係咁差
來來回回幾次email，仲要次次打勁多英文去投訴
我依家對住呢個袋都唔知點好，一見到佢就火起
我亦都呼籲身邊既朋友唔好用佢既貨品
不死鳥=死鳥
