我係10月22日去長沙灣青山道呢間野到電頭髮，其實係呢d地區髮型鋪都唔係預佢有d咩一流服務，因為我D頭髮比較軟同扁塌，所以我要電到上頭殼頂，電個髮根方便日後打理。我簡藥水都特登唔係簡隻最平既，點知都出事。（就算係咩藥水都唔應該咁啦）
當日去到呢間舖頭得個男既得閑，唔想等咪比佢整囉。屌，而家明點解次次都係得佢得閑啦，做野咁那西又鬼鼠。
當日電完頭髮之後，我番到屋企摸到個頭頂有d拮手，我有照鏡睇，但因為太貼頭，又有其他頭髮遮住，所以都望唔到d咩。本身只係以為佢上卷上得唔好，上到起角，我都唔期望呢d地區髮型屋做到好細緻，所以都冇為意。
直至早兩日，我臨訓前摸一摸頭頂，發覺呢個拮手既位生長左，當佢生長左後，我既手指頭終於可以摸到斷髮既未端。我即刻起身去廁所睇，清楚見到係寧寧舍舍係斷左。
電到起角
當下我即刻諗，其實佢做髮型師，向下望就係我個頭頂，點會望唔到，甚至乎我更懷疑佢，係咪特登再剪貼d，博我照鏡望唔到 。我唔想比呢D行為得過且過，所以我決定第日去對質。
（過程錄音： https://youtu.be/IRUF6c0RP1A ）
其實都預左佢唔認，如果唔係當初就唔係鬼鬼祟祟扮冇野博懵啦，但我唔想再有其他人中伏係呢d咁既黑店到。
當我去到，一開始係個女人接觸我先，佢一開始仲話冇斷，只係電到起角，後尾我指埋比佢睇，比埋相，佢先睇到。佢解釋話因為起左角，然後折斷左，可能當時冇發覺，唔係特登隱瞞喎。咁我就問佢有咩交代比我，佢又問番我想點。我要求賠番錢比我，個男既就開始嘈，一味話冇可能，話唔係佢整，但明明個女人（好似係佢老婆）就一開始解釋左點解會斷。
其實六百蚊我就預左洗出去，但無啦啦冇左忽頭髮我覺得好唔值，我最想其實係佢地都試下頭頂冇左一忽頭髮，咁到時就會明白點解我會咁不忿。而且我仲要自己發現問題，比人水左咁。
我後尾自己上網睇番，話電髮根係有機會電到斷法（台灣參考案例，都係頭頂：https://www.dcard.tw/f/hairsalon/p/231091330 ），當然都關手勢事。
但其實講真，如果當時有即刻同我坦白，解釋番點解會咁，比d誠意出黎，我條氣會順好多。可能佢地覺得過左海就係神仙掛。原來打開門做生意係咁唔老實，一d道德都冇。我頭髮斷左就係斷左，但我都想分享比大家知，而且我相信我都唔係唯一一個係到奶左野既，至少唔好比呢間黑店咁容易得逞，以為做左衰野都冇人知。
後記：
聽番錄音，個男既講到咁1999，我嘗試歸納佢D論點回應下：
1.點解咁耐先講？
一開始比你暪左過去，發覺唔到，我而家發覺咪而家講囉，有咩問題。 唔通我無啦啦整斷D頭髮屈你地？仲有。我自己都電唔到斷髮隔離就係起角，好明顯就一係個女人所講既咁樣折斷左，一係就你再特登整短D，博我睇唔到。
2. 長度唔岩（其實佢一味冇內容咁講冇可能，一D實質數據都冇，但我照講下）
一個成年人每個月頭髮大概生1CM長，事隔至今將近一個月，當日我上卷係上到上頭頂，所以斷髮既位係頭頂，而家長度吻合，講完。
？
但會柒一排