香港揸車改裝係咪死罪？

其實驗車係咪要還原返原裝咁先過到？
同埋喺街見到啲明顯改裝車係咪隨時拉得？
利申冇車

香港咁既玩車環境
土屋出生係香港都只不過係盲亨之流
真心羨慕世界各地玩車嘅地方
大家同樣都係付出金錢去享受呢一個興趣
偏偏喺香港就好似犯法咁

機器、零件有壽命，
例如驗車果時新原廠迫力皮
用到原裝塊迫力皮薄過張紙唔通又安全過新換副廠咩

揸26要穿插都睇時候架...
見d外賣羊係又插唔係又插真心屌咗出聲

同時大車職業司機考完牌
有幾可會跟返考試標準望咁多鏡...
成日似住自己大架唔撚望盲區博人會讓

利申：3、18牌都有，雙邊都唔抵爭

是，也不是，即係任佢吹啦

而家嘅香港係一個冇遠見嘅地方

停留1997。冇再進步過

有咩同返個官講比錢再驗過
（潛台詞咪就係我要玩你就玩你

佢哋睇改裝嘅重點係「”唔”安全」
而唔係佢哋有冇改裝
因為架車入境嘅時候
如果已經有改裝佢哋會當原裝計

最憎人改氣喉

渣㗎爛鬼垃圾出黎整到嘈一嘈，荒地人地唔知你㗎嘢垃圾

所以如果你買到返嚟先改又走去驗車
佢會叫你還原番先可以過到

係 因為改得唔靚

我覺得改響喉係要有目的
如果為型為威去改係ON99嘅表現
因為係完全唔知自己想要啲咩先會咁做
一般係架車改到咁上下先至會去改比較有聲嘅喉
去令到成個排氣系統嘅流量更暢順
減低引擎嘅阻力
而唔係一開波就雷聲大雨點小
做一架有聲無畫面嘅車
上面已經見到好多巴打有深入嘅討論依都唔再講啦

呢啲咪叫官僚囉
犯法就係犯法，除非你係_____

將架垃圾改完攞黎飛車果D快D去死

佢地改下喉，係為左等d大車察覺到佢既，不過有d改到太大聲就唔好la

最少，我揸46個時，會更加快留意到d細羊

事實上喺香港呢個情況一般人想架車啲聲沉啲就咁裝套cat back exhaust 就已經夠
但係純粹係聲音嘅分別性能上完全唔會有分別

如果想喺性能上有改善套死氣喉一定會大聲咗好多因為少咗催化同埋其他隔音配件加上條死氣喉用嘅物料又有所不同

其實我覺得改完咁多嘢最緊要係ecu calibration
你見香港好多人改完架車話行得唔smooth 低扭冇力就係因為佢哋裝完啲改裝零件上去冇tune車

呢個係保養問題喎
你直接答啦
一部驗過同一部冇驗過改裝車,所有零件都係一樣狀態
邊部安全d?

其實驗車真係好閒
錢搞得掂就唔係問題
更何況玩開既你要佢換返晒原裝件都一定有
重點勾車果班人啲態度
你出黎捉非法改裝
但完全係零知識
問佢有乜唔得就話我唔識
拖返去等驗車官慢慢驗
再唔係就寫埋啲九五搭八既理由
為搞你而搞
你係有料既俾你勾我心服口服
但而家係俾班零知識既人話你架車唔得有改裝
佢連乜野係得乜野係唔得都唔識分
咁點知你有冇改裝

如果我換賽車五點式安全帶咁叫安全定危險咗？
安全咗：發生意外時更有效保效司機
危險咗：如果唔正確安裝會降低保護或失效

你定義咗咩叫「安全」先有得講落去

你講緊係驗過嘅車安全係佢喺測試情況下通過驗證
但本身一件冇驗過嘅改件唔等於低安全過原裝件

正如愛因斯坦唔做IQ test
你做完有IQ 100
唔等於你叻過佢喎

唉,係都唔肯正面答問題
你果個例子成立係因為愛因斯坦出名
有學術研究係另一渠道證明左佢安全囉

如果搵兩個無名士,一個驗左IQ正常,另一個冇驗
其他所有學歷能力乜野都一樣
你係老細你又會請邊個?

同埋你真係覺得香港人改裝車係為安全?