癌細胞會唔會突然間唔繼續惡化？

不如搵私家睇，早d take action都好啊

你屋企人中咗之後個情況係咪一路轉差？

sorry可唔可以詳細講要求打咩針？最後打果枝又係咩？。。

唔好信電視劇個d乜野癌症唔係絕症嘅廢話
有乜想做快d做
我曾經都以為老豆醫得番

問題係肚痛呢d....non specific symptoms。你嚮街亂咁抽人問都可能好多人有。

半年左右已經keep住唔舒服
去睇醫生都搵唔到咩事 私家有睇過 急症又睇過
跟住急速瘦 醫生先建議照一照CT
點知個胰臟就花晒 知嗰一刻已經係晚期

醫生話10%機會有5年以上
但係好大機會兩年內就走

知道咗嗰一刻 開始睇住佢食藥
本來一粒止痛
跟住兩粒
跟住做咗化療
情況好似好咗一排 連藥都唔使食
過多一排（一個月內嘅事）
好似有復活翻
一粒止痛
跟住兩粒
跟住搵醫生換特強止痛藥
兩粒特強止痛藥（醫生話已經係最盡 再唔得就要打嗎啡)
跟住最後都打嗎啡
最後喺醫院渡過埋半個月

因為我去咗個好重要嘅公幹，我走咗之後情況就急轉直下，開始已經連日子都唔記得，淨係記得FaceTime講過我叫佢要等埋我翻嚟，跟住每一日親戚嚟睇佢 佢都好記得話過我叫佢堅強 慢慢開始唔記得日子。

可能佢真係用好大嘅意志等埋我，到我趕到返去同佢攬攬之後 佢話好辛苦 叫咗我阿媽搵醫生 話要打針
跟住醫生比咗鎮靜劑佢 要我老母簽名

打咗之後10分鐘就走咗 ，當時我崩潰到 腳痹之後暈左係醫院

慶幸嘅係佢走嗰陣我哋三個都係佢身邊 陪佢最後一程

胰臟平時body check可以點check?
驗尿？

RIP....

都過左幾年啦，屋企慢慢消化左，開頭見到老母日日喊，先係最sad 又冇嘢可以幫到佢 自己又難受。

癌指數? 我淨係識CA19-9...
但呢d指數呢.....雖然你睇佢sensitivity同specificity好似好高。
但用來做screening的話positive predictive value好低....因為本身pancreatic cancer的人唔多。咁當然，你如果發覺高左，可以再further investigation。

唉....真係珍惜眼前人....
我自己做醫院工。有時都覺得真係人生無常....身體健康真係無價....

有時真係唔明，三日內嘅情況可以急速直下
第一日，正常

第二日，講嘢開始懵糊呆滯，開始分唔清人

第三日，已經走

最初只係抽血驗尿驗肝功能，見啲尿唔正常，肝酵素又上到5百幾就叫咗入院，超聲波到有膽石塞住，醫生做膽管內窺鏡時個feel怪怪哋，一路ct pet抽組織做上去先知胰臟腫咗

會 死硬

提一提樓主，到病人個肚開始水腫（類似大肚咁），嗰時開始你就要預心理準備 三個月內嘅事

可以安樂死？

其實有晒報告就唔好等啦
出面睇個腫瘤科聽吓意見
如果負擔到 就盡快開始治療啦

真係人生無常

。
我之前嚮醫院做d project。追蹤返d抽過組織的patients (肺)....
半年前的patients己經超過一半去左....
有時真係咁.....
有時候前一日上ward見到個patient唔算好精神，但都見有反應，聽得明你講咩...結果第二日己經唔去左...真係好難講。

姐係都要靠照PET去驗?
我都聽人講ca199 未必準
依家外面有private 公司做緊隻mRNA testing 唔知準唔準...

首先，有胰臟癌之後唔係轉介肝膽胰外科而係轉介腫瘤科，代表癌症已經擴散，唔適合做手術，所以醫番好嘅機會係比較低

而去到腫瘤科做化療之後，癌細胞會停止生長，但係當啲癌細胞適應咗個化療之後，通常都會反彈，所以最好有心理準備

醫生話俾「鎮靜劑」，但係一打完就走咗。

我估應該係打完之後佢放鬆咗 冇咗種心態搏鬥 嘅意志 。

亦都有可能 「鎮靜劑」醫生落得重手左，不過就算係都唔會追究。

唔知大家信唔信耶穌
我就唔多信 但係嗰陣 我人生第一個祈禱。
大概「神啊，如果你真係咁急想帶呢個人返天國，請你唔好再折磨佢，即刻帶佢走。」
跟住10分鐘內，真係走咗。

可能係咁之後我個心都好過啲
利申 信有基督，但唔係基督徒 亦冇去過教會

其實PET好難做到diagnosis。
PET通常係你做左biopsy，confirm左係癌，再照全身PET睇下有冇散到周圍都係，幫助你做staging。
因為依家PET，尤其是公立。多數係打FDG，即係radioactive glucose，所謂某個位光左，SUV高，其實即係果個位吸多左radioactive glucose, 有active metabolism / glycolysis。
但問題係，你其他一d inflammation/infection/benign conditions一樣有機會increase metabolism。所以個報告好多時都只係一個educated guess。

通常都係
suggest biopsy/clinical correlation/OGD/colonscopy。視乎你咩cancer。