終於抵達日本 係酒店隔離緊

11月10日凌晨由香港飛去首爾再轉機到關西
加加埋埋成十個鐘
11月11日朝早十一點落機，
依家香港人入境日本已經唔洗再進行PCR檢測，
但係因為好多人去日本既關係，前後夾埋都用左接近2～3個鐘先出到境，
搞哂店差不多下午兩點左右。
而且我仲帶埋兩隻貓貓過黎，要辦既手續同時間更加多，所以比較麻煩




咁好啦終於抵達日本，但可惜要係酒店隔離十四日
間酒店仲要比較殘舊，房都好細，重點係上網勁慢
平日要zoom上堂，lag到仆街唔知點搞唉

希望隔離日子可以盡快完結

以下係酒店提供既一日三餐，其實都唔差，
但真係好想食lawson既炸雞同杯面

很想去日本

日本 好想去

2隻主子陪你隔離?

巴打日本留學？

機場去酒店程車點搞

貓呢？

下年應該有得去玩架啦。等多陣啦

等佢開關

最慘就係無得一齊，本身租好哂屋
搞好哂比埋租金，但學校唔比我番屋企
結果要住酒店，而貓貓我安排左比寵物酒店
唉

係呀，報讀左日本語言學校

國泰冇直航咩 點解要首爾轉機

好彩上年去咗轉

我本身打算租車渣番屋企，好方便姐，
但最後無得番屋企要去酒店隔離，所以由學校職員安排旅遊巴車我地去

去關西直航一間航空公司都無，全部都係轉機

係寵物酒店，十四日後先見到

實嚇死佢地

準備左幾錢留學生活
定屋企幫手

係。好慘。
好想快D 可以接番佢地

番左五年全職先去，
其實讀語言學校唔洗好多錢
一年預十幾萬
兩年廿萬左右乜都夠
唔夠可以打工嘛

搭咩車係咪要入境個陣申報
黎緊去日本 唔知程車點搞

一係坐haiya,一係租車，一係有人接送，
別無他選。

申報唔洗填交通方法

酒店係咪指定？14日要幾多錢？

搭地鐵比人捉到會點
haiya3萬yen比唔起