［勸世文］真係唔好去觀塘間韓家買外賣

事緣琴日lunch時間去觀塘間韓家叫咗五個炸雞便當（1:36）
同場有另一Team嘅同事（隔離Team入去堂食我哋外賣自取）

然後一直喺門口等見到差唔多時間買便當既人都有得拎
已經覺得唔對路 即刻入去問個女店員（2:05）
但係佢冇解釋係咁話準備緊
過到5分鐘都仲係未有就再問多次啦
就突然有另一個解釋話今日個廚房唔知做乜嘢
心諗唔知咩解釋黎 人地堂食個d餐又冇事
隔離team同事已經食完啦
你堂食外賣分開兩個廚房阿？

到我哋拎到外賣嗰陣已經係2:15
即刻狗衝返Office 10分鐘啪飯盒

事後聽返堂食同事講話聽到個男員工講
梗係做晒d堂食先啦 貴價餐嚟㗎嘛 （意譯）
仲問個女店員點解咁蠢走出去俾人屌

大佬雖然我知黃店係有光環
但你係黃店之前 首先係一間餐廳
要做返一間餐廳應該有既服務質素
但你宜家當正d外賣客人乞衣咁
幾黃都冇用啦

今日上佢哋Facebook睇到佢哋之前出咗個post
但係講嘅嘢完全同佢做嘢根本係背道而馳
奉勸各位如果唔係有無限lunch時間嘅就唔好去嗰度買外賣啦

今日個廚房唔知做乜嘢

On9回答

我半年前叫過一次外賣 又係等左成半粒鐘 但堂食果d嚟得好快 之後就冇再食過...

幫襯呢啲黃店真係貼錢買難受

叫佢改善下la咁好過直接叫人唔去 話曬黃店

堂食dinner食過 好難食

堂食過佢哋炸雞放題 漏單出餐慢之餘仲要唔好食

不嬲搭三去等到搭九
不過幾好味

佢啲醬好似油漆/新鮮嘅血

去過 堂食都等足半個鐘

其實你睇個fb post
就知有唔少人有不滿同反映過啦
再加埋個男店員句對白
好難相信佢有心改善
利申樓主

食過麻麻地

呢間野試過堂食，當時人少少，成班後生樓面加廚房佬坐哂係到吹水打機細聲講大聲笑，完全冇往管

cls

d黃店叫2下春就大把人幫襯 洗鬼同你改善咩

大半年前執食過炸雞放題，雖然出餐慢咗少少，但應該係我喺香港食過頭三名好食嘅炸雞


雞肉夠滑、又juicy （估計係生炸），最撚緊要係個蜜糖醬較到啱啱好，唔會太膩

但就真係等得好q 耐

近期堂食過芝士炸雞拉麵 等候時間同味道都正常

年頭個時食過
D雞係幾好食既
其他野就一般
但堂食仲等得耐過外賣專做外賣算啦

堂食等得耐過外賣真係有d匪夷所思你堂食平價餐?

屌叫過幾次外賣自取
有次叫左個咩醬油香蒜味炸雞
滿心期待咁番到屋企先發現佢無比個汁我
個刻成日既心情即刻跌到落谷底
不過等好耐係真既